Mižnarodny pivavarny kancern Heineken N.V. pradaŭ svoj zavod u Babrujsku hrupie Oasis. Dadzienuju infarmacyju TUT.BY paćvierdzili infarmavanyja krynicy.
«Kampanii Heineken i Oasis damovilisia pra abjadnańnie svaich padraździaleńniaŭ u Biełarusi ŭ adnu kampaniju, jakaja budzie naležać i kiravacca kampanijaj Oasis, u toj čas jak Heineken pradastavić licenzii na vytvorčaść i prodaž piva pad svaimi brendami, a taksama praciahnie zabieśpiačeńnie kantrolu jakaści i markietynhavaj padtrymki», havorycca ŭ paviedamleńni transnacyjanalnaj kampanii.
Heineken pryniaŭ rašeńnie ab novym etapie raźvićcia svajoj stratehii va Uschodniaj Jeŭropie. U suviazi z hetym źmienicca farmat prysutnaści kampanii ŭ Biełarusi, skazana ŭ pres-relizie.
Baki nie raskryvajuć sumu ździełki. Zaviaršeńnie ździełki i časovyja ramki źjaŭlajucca pradmietam nieabchodnych uchvałaŭ rehulujučych orhanaŭ, havorycca ŭ paviedamleńni.
Nahadajem, kancern Heineken N. V. vyjšaŭ na biełaruski rynak u śniežni 2007 hoda, nabyŭšy ŭ Babrujsku piŭzavod «Siabar». Zatym hałandskaja kampanija stała ŭłaśnikam «Rečycapiva». U 2013 hodzie na fonie padzieńnia rynku i niezadavolenaści ŭładaŭ kampanija skancentravała vytvorčaść piva i kvasu ŭ Babrujsku, a ŭ Rečycy zastalisia saładoŭnia, skład i dystrybucyjny centr, kolkaść piersanału źniziłasia z 160 da 90 čałaviek. Ciapier usie hetyja aktyvy adyšli Oasis.
Ciapier čytajuć
Biełarusy dzielacca, jak rehistrujuć svaich katoŭ. Voś jak adbyvajecca pracedura2
Biełarusy dzielacca, jak rehistrujuć svaich katoŭ. Voś jak adbyvajecca pracedura
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4747
Kamientary