Міжнародны піваварны канцэрн Heineken N.V. прадаў свой завод у Бабруйску групе Oasis. Дадзеную інфармацыю TUT.BY пацвердзілі інфармаваныя крыніцы.
«Кампаніі Heineken і Oasis дамовіліся пра аб'яднанне сваіх падраздзяленняў у Беларусі ў адну кампанію, якая будзе належаць і кіравацца кампаніяй Oasis, у той час як Heineken прадаставіць ліцэнзіі на вытворчасць і продаж піва пад сваімі брэндамі, а таксама працягне забеспячэнне кантролю якасці і маркетынгавай падтрымкі», гаворыцца ў паведамленні транснацыянальнай кампаніі.
Heineken прыняў рашэнне аб новым этапе развіцця сваёй стратэгіі ва Усходняй Еўропе. У сувязі з гэтым зменіцца фармат прысутнасці кампаніі ў Беларусі, сказана ў прэс-рэлізе.
Бакі не раскрываюць суму здзелкі. Завяршэнне здзелкі і часовыя рамкі з'яўляюцца прадметам неабходных ухвалаў рэгулюючых органаў, гаворыцца ў паведамленні.
Нагадаем, канцэрн Heineken N. V. выйшаў на беларускі рынак у снежні 2007 года, набыўшы ў Бабруйску піўзавод «Сябар». Затым галандская кампанія стала ўласнікам «Рэчыцапіва». У 2013 годзе на фоне падзення рынку і незадаволенасці ўладаў кампанія сканцэнтравала вытворчасць піва і квасу ў Бабруйску, а ў Рэчыцы засталіся саладоўня, склад і дыстрыбуцыйны цэнтр, колькасць персаналу знізілася з 160 да 90 чалавек. Цяпер усе гэтыя актывы адышлі Oasis.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары