Žychar Kamianieckaha rajona prysudžany da dvuch hadoŭ kałonii za niezakonnuju zdabyču alenia na terytoryi nacyjanalnaha parku «Biełaviežskaja pušča».
«Zimoj 33-hadovy miascovy žychar rasstaviŭ pastki na terytoryi Bialanskaha laśnictva. U adzin ź dzion jon znajšoŭ u pastcy samku vysakarodnaha alenia. Mužčyna razrezaŭ tušu. Miasa zabraŭ z saboj, pakinuŭšy ŭ lesie hałavu i kaniečnaści žyvioły, - paviedamiła BIEŁTA staršy prakuror adździeła prakuratury Bresckaj vobłaści Nadzieja Niekraševič. - Fakt niezakonnaha palavańnia ustalavali supracoŭniki nacparka. Pa śladach jany dajšli da chaty brakańjera, dzie znajšli škuru i miasa alenia. U dačynieńni da mužčyny była ŭzbudžanaja kryminalnaja sprava za niezakonnaje palavańnie».
Ustanoŭlena, što svaimi dziejańniami viaskoviec nanios pryrodzie ŭron u asabliva bujnym pamiery - na sumu 6,9 tysiač rubloŭ.
Sud pryznaŭ žychara rajona vinavatym. Jamu pryznačana pakarańnie ŭ vyhladzie pazbaŭleńnia voli terminam na dva hady ŭ papraŭčaj kałonii ahulnaha režymu i pazbaŭleńnia prava zajmacca palavańniem na piać hadoŭ.
Mužčynu taksama aštrafavali na 100 bazavych vieličyń (2,3 tysiačy rubloŭ). Akramia taho, z mužčyny spahnali ŭ dachod dziaržavy sumu naniesienaj pryrodzie škody.
Prysud ustupiŭ u zakonnuju siłu.
Kamientary