Supracoŭniki UUS administracyi Frunzienskaha rajona Minska apieratyŭna zatrymali 30-hadovaha mužčynu, jaki padazrajecca ŭ ździajśnieńni dvuch zhvałtavańniaŭ, paviedamlaje sajt HUUS Minharvykankama.
23-hadovaja žycharka Viciebska pryjechała ŭ Minsk dla zdačy siesii va ŭniviersitecie. Pa šlachu na zdymnuju kvateru pa vulicy Prytyckaha paśla paŭnočy jana zajšła ŭ handlovy centr. Zrabiŭšy pakupki, dziaŭčyna nakiravałasia ŭ bok doma. Akazałasia, što ŭ hety čas za joj užo sačyŭ złamyśnik. Zajšoŭšy za dziaŭčynaj u padjezd, mužčyna staŭ patrabavać u jaje hrošy. Atrymaŭšy admovu, jon schapiŭ jaje za vopratku i zaciahnuŭ u lift, dzie staŭ prymušać da kantaktu. Kali dźviery lifta adčynilisia, złamyśnik pavioŭ dziaŭčynu ŭ pralot leśvičnaj placoŭki pamiž pavierchami. Tam jon udaryŭ jaje ŭ žyvot, a zatym źniaŭ vopratku, zhvałciŭ studentku i ŭciok. Aprytomnieŭšy, dziaŭčyna paviedamiła pra zdareńnie ŭ milicyju, a taksama apisała prykmiety napadnika.
Užo ranicaj pry padtrymcy bajcoŭ SPBT «Ałmaz» MUS RB padazravany byŭ zatrymany pa miescy žycharstva i dastaŭleny ŭ rajupraŭleńnie dla dalejšaha razboru.
U dačynieńni da zatrymanaha raspačataja kryminalnaja sprava pa č. 2 art. 166 («Zhvałtavańnie») KK RB. Jamu pahražaje pakarańnie ŭ vyhladzie pazbaŭleńnia voli na termin da 13 hadoŭ. Supracoŭniki milicyi taksama vyjavili dačynieńnie mužčyny da ździajśnieńnia jašče adnaho zhvałtavańnia ŭ lutym biahučaha hoda. Raniej paciarpiełaja ŭ pravaachoŭnyja orhany nie paviedamlała, bo bajałasia prymianieńnia fizičnaj siły z boku złamyśnika. Pravodziacca dalejšyja raźbiralnictvy.
Viadoma, što zatrymany raniej pryciahvaŭsia da kryminalnaj adkaznaści za razboj, sprobu zhvałtavańnia i hvałtoŭnyja dziejańni seksualnaha charaktaru.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia1
Kamientary