Salnik — šyrokaja i praciahłaja składka brušyny, bahataja tłuščavymi adkładańniami — vykonvaje ŭ arhaniźmie važnuju imunnuju funkcyju. Navukovaja praca pra heta apublikavanaja ŭ časopisie Trends in Immunology, koratka pra ahlad piša Tut.by.
Imunnuju funkcyju vykonvajuć zhustki limfoidnaj tkanki, jakija nazyvajuć «małočnymi plamami». Upieršyniu ich vyjavili ŭ 1874 u trusaŭ. U ludziej małočnyja plamy źjaŭlajucca na rańnich etapach raźvićcia arhanizma. Niezaležna ad pamieraŭ i formy salnika małočnyja plamy pranizvajuć tkanku i słužać svojeasablivymi filtrami dla vadkaściaŭ u brušnoj połaści.
Niadaŭniaje daśledavańnie pakazała, što małočnyja plamy dapamahajuć salniku, pakolki jany źbirajuć infarmacyju pra stan brušnoj połaści. «Małočnyja plamy źbirajuć kletki, antyhieny i bakteryi, pierš čym pryniać rašeńnie pra imunny adkaz», — tłumačyć Troj Rendał (Troy D. Randall), adzin z aŭtaraŭ pracy.
Analiz, praviedzieny małočnymi plamami, pryvodzić da reakcyi — pačynajecca zapalenčy praces abo fibroz. U inšych vypadkach salnik zabiaśpiečvaje imunałahičnuju talerantnaść — adsutnaść reakcyi na antyhien.
Praŭda, z rakavymi kletkami salnik prymaje niapravilnaje rašeńnie. «Jon vyrašaje zabiaśpiečyć talerantnaść zamiest abarony», — tłumačyć navukoŭca. Puchliny salnika sustrakajucca vielmi redka, adnak sistema «filtraŭ» zabiaśpiečvaje pažyŭnaje asiarodździe dla ahresiŭnych puchlin, takich jak rak jaječnika i straŭnikava-kišačnaha trakta.
U budučyni daśledčyki spadziajucca nacelicca na hety typ puchlin i znajści sposab zapavolić utvareńnie mietastazaŭ. Kali skarektavać reakcyju małočnych plam, možna spryjać źjaŭleńniu procipuchlinnaha imunitetu.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam7
Kamientary