Pjanaja hulnia skončyłasia śmierciu.
Miadzielec padčas raśpivańnia śpirtnych napojaŭ vyrašyŭ pažartavać ź siabra. Uziaŭ strelbu, nakiravaŭ u bok tavaryša i pstryknuŭ spuskavym kručkom. Siabar zahinuŭ na miescy, piša «Rehijanalnaja hazieta».
20 krasavika sud Miadzielskaha rajona razhledzieŭ kryminalnuju spravu pa častcy 1 artykuła 139 Kryminalnaha kodeksa (naŭmysnaje supraćpraŭnaje pazbaŭleńnie žyćcia inšaha čałavieka (zabojstva).
U časie sudovaha pasiadžeńnia abvinavačany pryznaŭ vinu. Raspavioŭ, što byŭ u siabroŭskich adnosinach z zahinułym. 2 studzienia a 19-j jany vypivali. Na nastupny dzień ranicaj pryjechali ŭ viosku Kućki, dzie nabyli śpirtnoje i vypili. Kala čatyroch hadzin dnia viarnulisia dadomu, dzie praciahvali pić. Sprečak i kanfliktaŭ pamiž mužčynami nie było.
Padkidajučy ŭ hrubku drovy, abvinavačvany pakazaŭ na svajo ružžo, jakoje stajała kala piečy. Vyrašyŭ pažartavać ź siabra: navieści na jaho strelbu i pstryknuć spuskavym kručkom. Adlehłaść była nie bolš za dva-try mietry.
Pierad strełam mužčyna nie pravieryŭ, ci zaradžanaje ružžo. Na sudzie raspavioŭ, što patron, jakim jano było zaradžana, raniej sam padrychtavaŭ karciečču i ŭstaviŭ u ružžo ŭ kancy śniežnia 2016 hady - chacieŭ zastrelić lisicu, jakaja prychodziła da chaty.
Naboj trapiŭ paciarpiełamu ŭ hałavu. Jon pamior na miescy.
Praviłach abychodžańnia sa zbrojaj i ŭmovy jaje zachavańnia asudžany viedaŭ, bo prachodziŭ terminovuju słužbu ŭ vojsku. Viedaŭ, što zbroju nielha nakiroŭvać na čałavieka. Zabivać tavaryša nie chacieŭ.
Prysudam suda Miadzielskaha rajona mužčyna pryznany vinavatym u naŭmysnym supraćpraŭnym pazbaŭleńni žyćcia inšaha čałavieka (zabojstva).
Sankcyja hetaha artykuła praduhledžvaje pakarańnie ŭ vyhladzie pazbaŭleńnia voli ad 6 da 15 hadoŭ.
Z ulikam asoby abvinavačanaha i stupieni hramadskaj biaśpieki ździejśnienaha im złačynstva, abstavinaŭ ździajśnieńnia złačynstva, stanoŭčaj charaktarystyki pa miescy žycharstva i pracy jamu pryznačana pakarańnie ŭ vyhladzie pazbaŭleńnia voli terminam na 7 hadoŭ 6 miesiacaŭ u papraŭčaj kałonii va ŭmovach uzmocnienaha režymu.
Taksama ŭ dačynieńni da abvinavačanaha užytyja prymusovyja miery biaśpieki i lačeńnie ad chraničnaha ałkahalizmu pa miescy adbyćcia pakarańnia.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary