ADS vyłučała va ŭčastkovyja vybarčyja kamisii bolš jak 1.300 čałaviek
Abjadnanyja demakratyčnyja siły Biełarusi (ADS) vyłučyli ŭ skład učastkovych vybarčych kamisij bolš jak 1.300 čałaviek. Ab hetym paviedamiŭ kaardynatar kampanii «Za svabodnyja vybary» Viktar Karniajenka.
Abjadnanyja demakratyčnyja siły Biełarusi (ADS) vyłučyli ŭ skład učastkovych vybarčych kamisij bolš jak 1.300 čałaviek. Ab hetym paviedamiŭ kaardynatar kampanii «Za svabodnyja vybary» Viktar Karniajenka.
Najbolš aktyŭna svaich pretendentaŭ vyłučała Partyja kamunistaŭ Biełaruskaja — kala 450, Abjadnanaja hramadzianskaja partyja — 360.
V.Karniajenka zaznačyŭ, što heta nie kančatkovyja dadzienyja. «Ciapier my ŭdakładniajem infarmacyju ab vyłučeńni pretendentaŭ u skład učastkovych kamisij Partyjaj BNF, a taksama ab vyłučeńni ŭ Mienskaj i Bieraściejskaj abłaściach. U cełym kolkaść našych pretendentaŭ u skład kamisii moža pavialičycca da 1.500», — skazaŭ jon.
Kaardynatar kampanii «Za svabodnyja vybary» ličyć, što častku pretendentaŭ ad ADS uklučać u skład učastkovych kamisij. «Dumaju, što pry farmiravańni ŭčastkovych kamisij budzie prasočvacca taja ž tendencyja, što i pry farmiravańni akruhovych kamisij. Našych pradstaŭnikoŭ buduć uklučać va ŭčastkovyja kamisii, jakija znachodziacca ŭ składanych sielskich akruhach, dzie efektyŭna arhanizavać kampaniju pa vyłučeńni kandydataŭ i pa nazirańni za vybarami vielmi składana. Taksama, chutčej za ŭsio, buduć uklučać pretendentaŭ, na jakich lahčej akazać cisk, naprykład, tych, chto pracuje na dziaržpradpryjemstvach», — paviedamiŭ jon.
V.Karniajenka taksama zaznačyŭ, što ADS buduć zadavolenyja farmiravańniem učastkovych kamisij, kali «ŭ ich uklučać usich našych pretendentaŭ». «My i tak vyłučajem ścipłyja patrabavańni: u nas 1.300—1.500 pretendentaŭ na 6,5 tysiačy ŭčastkovych kamisij», — padkreśliŭ jon.
Vyłučeńnie pretendentaŭ u skład učastkovych vybarčych kamisij zaviaršyłasia 10 žniŭnia. Pa 13 žniŭnia jany buduć utvaracca rajonnymi, haradzkimi vykanaŭčymi kamitetami i miascovymi administracyjami. Usiaho budzie stvorana 6.485 učastkovych kamisij, ź ich 287 — u stacyjanarnych lačebnych ustanovach, 66 — u voinskich čaściach. Najbolšaja kolkaść učastkovych kamisij budzie stvorana ŭ Minskaj i Homielskaj abłaściach — 1.125 i 1.121 adpaviedna. U Bresckaj vobłaści buduć stvorany 982 učastkovyja kamisii, u Viciebskaj — 948, u Mahiloŭskaj — 839, u Hrodzienskaj — 775, u Minsku — 695.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj20
Kamientary