Na fonie ŭzmocnienych treńniaŭ z nahody rakietnych i jadziernych ambicyj KNDR amierykanskija vajennyja prystupili da razhortvańnia ŭ Paŭdniovaj Karei sistemy supraćrakietnaj abarony THAAD, što vyklikała vielmi nieadnaznačnuju reakcyju jak unutry krainy, tak i za miažoj, piša VVS.
U pravincyi Sandžu, kudy ŭ sieradu pieravieźli abstalavańnie kompleksu, kałonu amierykanskaj vajennaj techniki sustreli sotni demanstrantaŭ, jakija pratestujuć suprać raźmiaščeńnia tam sistemy SRA.
Piekin zajaŭlaje, što razhortvańnie kompleksu THAAD padryvaje biaśpieku ŭ rehijonie.
Bajučysia, što Pchieńjan płanuje novyja rakietnyja i jadziernyja vyprabavańni, ZŠA ŭžo adpravili da ŭźbiarežža Karejskaha paŭvostrava avijanosnuju hrupu.
Na sieradu pryznačany i sakretny bryfinh u Biełym domie, na jaki zaprošanyja adrazu ŭsie 100 členaŭ amierykanskaha sienata. Akramia taho, Vašynhton źviarnuŭsia ŭ Radu Biaśpieki AAN z zaklikam nieadkładna zaniacca rašeńniem paŭnočnakarejskaj prablemy i paralelna pasprabavaŭ zaručycca padtrymkaj Piekina.
Sistema THAAD (Terminal High Altitude Area Defense) — mabilny kompleks naziemnaha bazavańnia, pryznačany dla pierachopu balistyčnych rakiet małoj i siaredniaj dalokaści i zaklikany abaranić Paŭdniovuju Kareju ad rakietnaj pahrozy z boku paŭnočnaha susieda.
Jak udakładnili ŭ paŭdniovakarejskim ministerstvie abarony, raźmiaščeńnie sistemy SRA było ŭzhodniena jašče letaś, adnak u ekspłuatacyju jana budzie ŭviedzienaja tolki da kanca 2018 hoda.
Kamientary