Adklučeńnie aciapleńnia pačałosia ŭ Minskaj vobłaści, paviedamiła BIEŁTA načalnik adździeła ciepłavoj haspadarki i enierhietyki HA «ŽKH Minskaj vobłaści» Taćciana Šmihielskaja.
«Učora padpisanaje rašeńnie Minabłvykankama z nahody adklučeńnia sistem aciapleńnia. Dakumient nie ŭtrymlivaje kankretnaj daty poŭnaha adklučeńnia. Zhodna z techničnym kodeksam ustalavanaj praktyki (TKP) na praciahu troch dzion siaredniaja tempieratura vonkavaha pavietra pavinna składać plus 8 hradusaŭ, što źjaŭlajecca padstavaj dla spynieńnia ciepłazabieśpiačeńnia. Z ulikam hieahrafičnaha stanovišča roznych rajonaŭ Minskaj vobłaści i biahučaj klimatyčnaj situacyi rajvykankamy majuć prava sami prymać rašeńni pa adklučeńniach», — skazała Taćciana Šmihielskaja.
Pavodle jaje słoŭ, rašeńnie abłvykankama razasłanaje dla vykanańnia ŭ rajony. Adklučeńni aciapleńnia ŭžo pačalisia ŭ administracyjnych budynkach. Niekatoryja kacielni nie pradastaŭlajuć mahčymaść asobnaha adklučeńnia takich budynkaŭ biez spynieńnia padačy ciapła abjektam inšych katehoryj. U hetym vypadku ich ciepłazabieśpiačeńnie praciahvajecca. Adklučeńni ŭ žyłym fondzie stanuć nastupnym etapam zaviaršeńnia aciaplalnaj kampanii. U apošniuju čarhu padača ciapła budzie spynienaja abjektaimsacyjalnaj śfiery — balnicam, škołam, dziciačym sadam i inš.
Kamunalniki Minskaj vobłaści ŭžo farmujuć płany mierapryjemstvaŭ pa padrychtoŭcy abjektaŭ aciaplalnaj infrastruktury da nastupnaha asieńnie-zimovaha pieryjadu.
Kamientary