Na minułych vychadnych u kinateatry «Maskva» adbyłasia premjera multfilma «Tajamnica Kiełza», pierakładzienaha na biełaruskuju movu pry padtrymcy «Atłant Telekom» i velcom. Multfilm trojčy sabraŭ anšłah: u ahulnaj kolkaści prahlady naviedali kala 2 tysiač minčan.
Z ulikam šmatlikich zapytaŭ hledačoŭ partniory prajekta vyrašyli jašče raz pakazać multfilm na vialikim ekranie.U tych, chto nie paśpieŭ kupić kvitki na pieršyja pakazy, źjaviŭsia šans pahladzieć jaho ŭ błtžejšuju niadzielu — 26 sakavika, u 17:50 u kinateatry «Maskva».
Pakazy suśvietnaha kino na biełaruskaj movie prachodziać u ramkach prajekta «Biełaruskija ŭikiendy». Filmy ahučvajucca na biełaruskuju movu z udziełam viadomych biełaruskich akcioraŭ: Paŭła Charłančuka, Hanny Hitryk, Śviatłany Cimochinaj, Alesia Maŭčanava i inšych.
«Ideju pierakładać filmy na rodnuju movu i prafiesijna ahučvać ich u studyi padtrymaŭ moj siabar, akcior i režysior Pavieł Charłančuk. Mienavita z hetaha i pačalisia «Biełaruskija ŭikendy». Zaraz, kali ŭ našaj inicyjatyvy źjavilisia aficyjnyja partniory ŭ asobie «Atłant Telekoma» i velcom, u nas budzie mahčymaść pakazvać jašče bolš dobrych filmaŭ na biełaruskaj movie», — raskazvaje kiraŭnik prajekta Andrej Kim.
Va ŭsim śviecie «Tajamnicu Kiełza» pahladzieli miljony hledačoŭ, krytyki adznačyli jaho cełym arsienałam hanarovych uznaharod, u tym liku naminacyjaj za «lepšy animacyjny film» premii «Oskar». U biełaruskaj ahučcy hety multfilm pieramoh u jašče adnoj admysłovaj naminacyi ad hledačoŭ — «Za talenavity ŭniosak u prasoŭvańni rodnaj movy». Mienavita tak jany i pisali ŭ svaich kamientarach na forumach paśla pakazu z prośbami paŭtaryć multfilm.
«Takija vodhuki dla nas asabliva kaštoŭnyja. I ich sapraŭdy było vielmi šmat, — dzielicca svaimi ŭražańniami načalnik adździeła karparatyŭnych kamunikacyj velcom Viačasłaŭ Śmirnoŭ. — My rady, što pakaz multfilma prajšoŭ z takim pośpiecham, i viadoma, nie možam admović hledačam u prośbie arhanizavać dadatkovy pakaz. My adnaznačna budziem i dalej raźvivać prajekt «Biełaruskija ŭikendy», kab jašče bolš biełarusaŭ daviedalisia pra jaho».
Dadatkovy sieans multfilma «Tajamnica Kiełza» na biełaruskaj movie adbudziecca 26 sakavika ŭ kinateatry «Maskva» pa adrasie: praśpiekt Pieramožcaŭ, 13. Padrabiaznaści na sajcie kinakong.by, kvitki ŭ kasach kinateatra i na bycard.by.
Kamientary