Alaksandr Łukašenka zaćvierdziŭ zadumu sumiesnaha stratehičnaha vučeńnia ŭzbrojenych sił Biełarusi i Rasii «Zachad-2017». Pra heta paviedamiŭ žurnalistam ministr abarony Biełarusi Andrej Raŭkoŭ.
Ad Kolskaha paŭvostrava da Biełarusi
«Prastoravy razmach hetaha vučeńnia vielmi vialiki — ad Kolskaha napramku ŭ arktyčnaj zonie i zakančvajučy Biełaruśsiu», — raskazaŭ ministr.
Na terytoryi Biełarusi budzie zadziejničana 7 palihonaŭ i učastkaŭ miascovaści dla rehijanalnaj hrupoŭki vojskaŭ.
Terminy
Płanujecca, što vučeńnie «Zachad-2017» projdzie z 14 pa 20 vieraśnia.
Andrej Raŭkoŭ nahadaŭ, što ŭ skład rehijanalnaj hrupoŭki vojskaŭ uvachodziać Uzbrojenyja Siły Biełarusi i 1-ja tankavaja armija Zachodniaj vajennaj akruhi Rasii. Častka sił i srodkaŭ hetaha tankavaha vojska prybudzie na terytoryju Biełarusi dla ŭdziełu ŭ vučeńni.
Kolkaść i rasijski składnik
Ahulnaja kolkaść vojskaŭ, pryciahnutych da vučeńniaŭ, nie budzie pieravyšać tych paramietraŭ, jakija vyznačany Vienskim dakumientam 2011 hoda, — nie bolš za 13 tys. čałaviek asabovaha składu.
«Ad Rasijskaj Fiederacyi dla ŭdziełu na našaj terytoryi ŭ sumiesnym stratehičnym vučeńni płanujecca kala 3 tys. vajskoŭcaŭ i kala 280 adzinak techniki», - paviedamiŭ ministr.
Akramia suchaputnaha składnika budzie zadziejničana i avijacyja, u tym liku da 25 latalnych aparataŭ z rasijskaha boku.
«Nijakaha ažyjatažu niama. Usie płanava», — zapeŭniŭ Andrej Raŭkoŭ.
Abarončaja tematyka
«Kiraŭnik dziaržavy akcentavaŭ uvahu, što dadzienaje vučeńnie — heta sposab padrychtoŭki rehijanalnaj hrupoŭki vojskaŭ, jakaja źjaŭlajecca harantam u pytańniach abarony terytoryi Sajuznaj dziaržavy na zachodnim napramku», — adznačyŭ ministr.
Adpaviedna, adpracoŭvajecca abarončaja tematyka vučeńnia. Jaho zadača — pravieryć hatoŭnaść rehijanalnaj hrupoŭki vojskaŭ da vykanańnia zadač pa abaronie Sajuznaj dziaržavy.
Zaprašeńni partnioram na Zachadzie
«Skiravanaść rehijanalnaj hrupoŭki vojskaŭ, padrychtoŭka i treniroŭka jaje dziejańniaŭ zaklučajecca mienavita ŭ abarončym składniku. Dla taho kab pradstaŭniki NATA, zachodnich dziaržaŭ mahli pierakanacca ŭ hetym, my zaprašajem adpaviednuju katehoryju», - raspavioŭ Andrej Raŭkoŭ.
Pavodle jaho słoŭ, na siońniašni dzień z boku zamiežnych partnioraŭ jość surjoznaja zacikaŭlenaść u pryjeździe i nazirańni za chodam vučeńniaŭ.
«My nakirujem zaprašeńnia za 50 sutak da pačatku vučeńniaŭ. Tyja patreby, pra jakija zajaŭlajuć zachodnija partniory, buduć vykanany», - skazaŭ ministr
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna4
Kamientary