BČ karektuje raskład ruchu ciahnikoŭ u suviazi ź pierachodam krain ES i Ukrainy na letni čas
Biełaruskaja čyhunka karektuje raskład ruchu mižnarodnych ciahnikoŭ u suviazi ź pierachodam krain ES i Ukrainy na letni čas, paviedamili ŭ pres-centry BČ.
U suviazi ź pierachodam na letni čas krain Jeŭrapiejskaha sajuza i Ukrainy ŭ noč z 25 na 26 sakavika Biełaruskaj čyhunkaj sumiesna z čyhunačnymi administracyjami Łatvii, Litvy, Polščy, Rasii i Ukrainy zahadzia praviedzienaja karekciroŭka raskładu ruchu mižnarodnych ciahnikoŭ.
Naprykład, ciahnik №805 Minsk—Vilnia, jaki adpraŭlaŭsia ź Minska ŭ 8.00 i prybyvaŭ u kančatkovy punkt ruchu ŭ 9.30, z 26 sakavika budzie prybyvać u Vilniu ŭ 10.30 (čas adpraŭleńnia ź Minska zastaniecca bieź źmianieńniaŭ). Ciahnik №806 Vilnia-Minsk adpraŭlaŭsia ź Vilni ŭ 18.10 i prybyvaŭ u stalicu Biełarusi ŭ 21.40, a paśla 26 sakavika budzie adpraŭlacca ź Vilni ŭ 19.10. Čas prybyćcia ŭ Minsk zastaniecca raniejšym.
Źmieny zakranuli i mižnarodnyja ciahniki ŭ znosinach z Ukrainaj i Polščaj.
Tak, ciahnik №86 Minsk—Kijeŭ, jaki adpraŭlaŭsia sa stalicy Biełarusi ŭ 22.40 i prybyvaŭ u Kijeŭ u 7.52, z 26 sakavika budzie adpraŭlacca ź Minska ŭ 22.40 i prybyvać u Kijeŭ u 8.40. Paśla pierachodu na letni čas u zvarotnym kirunku ciahnik №85 budzie adpraŭlacca z Kijeva ŭ 22.35 (da 26 sakavika adpraŭlaŭsia ŭ 21.44) i prybyvać u Minsk u 8.38.
U BČ adznačyli, što 26 sakavika pasažyrskija ciahniki, jakija adpravilisia z pačatkovych stancyj da pieravodu strełki hadzińnika i akazalisia ŭ darozie ŭ momant pieravodu hadzińnikavaj strełki, iduć da kančatkovych stancyj zhodna z raskładam, jaki dziejničaŭ da pieravodu hadzińnika.
U suviazi sa źmienami ŭ hrafiku ruchu mižnarodnych ciahnikoŭ skarektavany i raskład niekatorych ciahnikoŭ, jakija kursujuć pa Biełarusi.
Bolš padrabiaznuju infarmacyju ab raskładzie možna atrymać na sajcie Biełaruskaj čyhunki, u kasach i pa telefonach daviedačnych słužbaŭ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary61
Kamientary