«Zajaŭka padadzienaja ad imia Alaksandra Słabadzina, daŭniaha i pravieranaha siabra Ruchu «Za Svabodu»», — skazaŭ sajtu Pyx.by kaardynatar Ruchu «Za Svabodu» ŭ Bresckaj vobłaści Juryj Kazakievič.
Pa jahonych słovach, sam jon, jak i šmat chto z Ruchu, nie mohuć vystupać zajaŭnikami praz administratyŭnyja spahnańni za ŭdzieł i arhanizacyju masavych mierapryjemstvaŭ na praciahu hoda.
«U zajaŭcy ŭkazana, što šeście projdzie z 13 da 15 hadzin 25 sakavika pa maršrucie vuł. Savieckaja — Puškinskaja da Bresckaha harvykankama», — adznačyŭ Kazakievič.
Pa jahonych słovach, meta akcyi — pavinšavać žycharoŭ Bresta z 99-j hadavinaj abviaščeńnia niezaležnaści BNR, pakazać viernaść ideałam niezaležnaści našaj krainy. «Zajaŭka nakiravanaja siońnia chutkaj poštaj z apaviaščeńniem. 9 sakavika da abiedu budzie tam», — skazaŭ Kazakievič.
«Va ŭłady jość mahčymaść viarnuć masavyja akcyi ŭ pravavoje pole — davać dazvoł na praviadzieńnie takich mierapryjemstvaŭ. My nastrojenyja na toje, kab adznačeńnie Dnia Voli adbyłosia ŭ režymie śviata, dzie hałoŭnymi byli łozunhi niezaležnaści Biełarusi i nacyjanalnaha adradžeńnia, kansalidacyi hramadstva vakoł pieramien, jakija nieabchodnyja našaj krainie», — prakamientavaŭ padaču zajaŭki staršynia Ruchu «Za Svabodu» Juryj Hubarevič.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary