BPC: Isnuje try važnyja padstavy dla taho, kab stavicca da Kurapataŭ jak da śviatyni
Isnuje try važnyja padstavy dla taho, kab stavicca da Kurapataŭ jak da śviatyni. Pra heta ŭ kamientary Krynica.info zajaviŭ protaijerej Siarhiej Lepin, staršynia Sinadalnaha infarmacyjnaha adździeła Biełaruskaj Pravasłaŭnaj Carkvy.
«Kurapaty - heta, pa-pieršaje, mohiłki, pa-druhoje, - miesca masavych represij, pa-treciaje - pomnik kultury», - adznačyŭ jon.
Na jaho dumku, usie raboty na miascovaści taksama pavinny pravodzicca z ulikam hetych troch punktaŭ.
«Ź inšaha boku, pavinny być dakładna, na padstavie raskopak, vyznačany miežy hetaha śviatoha miesca, kab paźbiehnuć jak zamachu na ich niedatykalnaść, tak i lišnich śpiekulacyj vakoł sumiežnych terytoryj. Hetaja pazicyja ahučvajecca nami daŭno, i jana nie mianiajecca, i ja nie viedaju, što pavinna adbycca, kab jana źmianiłasia: buduć tam budoŭli ci nie buduć, buduć tam akcyi pratestu ci nie - usio heta ŭpłyvaje tolki na ŭzrovień napružanaści ŭ hramadstvie», - padkreśliŭ protaijerej.
Siarhiej Lepin taksama nahadaŭ, što ŭ Kurapatach zasnavana pravasłaŭnaja relihijnaja abščyna, u jakoj pravodziacca nabaženstvy. «I my nahadvajem usim ab nieabchodnaści malicca i paźbiahać eskałacyi nianaviści i ahresii», - dadaŭ jon.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary