Zaŭtra lider arhanizacyi Aleś Kalita adpraŭlajecca na terminovuju słužbu ŭ vajskovuju čaść №30151. Aleś nie adziny aktyvist «Moładzi BNF», jaki trapiŭ na letni pryzyŭ.
Kalita nie adziny aktyvist «Moładzi BNF», jaki trapiŭ na letni pryzyŭ. Na słužbu taksama adpraŭlajucca Jury Dziašuk, va ŭnutranyja vojski ŭ Miensku, Źmicier Bialajeŭ — vojski suviazi ŭ Horadni, Fiodar Čarankoŭ z Mazyru. Franaka Viačorku i Antona Kalinoŭskaha pryzyŭnyja kamisii pryznali niahodnymi da armiejskich budniaŭ.
Sam Aleś Kalita kaža: «Škada, što nie zmahu być hety čas tut, dapamahać svaim tavaryšam u zmahańni. Razam z tym, ja maju idei čym zaniacca ŭ vojsku. Najpierš chaču pravieści ekspertyzu vajskovych statutaŭ adnosna mižnarodnych dakumentaŭ, jakija padpisvała Biełaruś. Budu patrabavać, kab zahady addavali pa‑biełarusku».
Franak Viačorka vykazaŭ ideju stvareńnia admysłovaha sajtu «Našy ŭ vojsku», dzie źmiaščalisia naviny z tych čaściej, dzie słužać pradstaŭniki demakratyčnaha ruchu.
Darečy, učora Aleś Kalita pieradaŭ paŭnamoctvy staršyni «Moładzi BNF» svajmu namieśniku Illi Bohdanu. «Illa prymaje staršynstva nia ŭ samyja lohkija časy», — kaža A.Kalita.
Nahadajem, što Illa Bohdan adsiedzieŭ 10 sutak u śledčym izalatary pa padazreńni ŭ datyčnaści da vybuchu 4 lipienia. Chacia jaho i vyzvalili, ale chłopiec pa‑raniejšamu prachodzić pa hetaj spravie.
Čarhovy źjezd «Moładzi BNF» musić adbycca 19 kastryčnika, dzie budzie abranaje novaje kiraŭnictva arhanizacyi.
Ciapier čytajuć
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary