Alaksandr Łukašenka patrabuje vykaranić mahčymaści dla vyvazu za miažu draŭniny pa šerych schiemach. Ab hetym kiraŭnik dziaržavy zajaviŭ siońnia, zasłuchoŭvajučy dakład pa pytańniach realizacyi na ekspart kruhłych lesamateryjałaŭ, pieradaje karespandent BIEŁTA.
«Paŭstaje jašče adno pytańnie, jakoje ŭźnimaje pierad Prezidentam kuryrujučy les staršynia KDK: kali budzie pastaŭlena žaleznaja zasłona šerym schiemam, pa jakich vyvozicca les z krainy. Heta ja ŭ vas pavinien zapytać, čamu pa šerych schiemach da hetaha času ŭ krainie niechta pradavaŭ učora abo pradaje siońnia, moža, i zaŭtra nieabrazny les», - skazaŭ Alaksandr Łukašenka.
«Vy mianie infarmavali, što kamiersanty kuplajuć na ŭnutranym rynku kubamietr chvojnych za 30 jeŭra, nadpiłoŭvajuć biarviony z tarcoŭ, apracoŭvajuć niepasredna ŭ lesie i pad vyhladam niejkich słupoŭ, kałoŭ pierapradajuć faktyčna nieapracavanuju syravinu za miažu», - adznačyŭ Prezident.
Kiraŭnik dziaržavy papiaredziŭ ab adkaznaści tych, chto dapuskaje takija fakty.
Jak paviedamili kiraŭniku krainy, dziakujučy takim manipulacyjam u kišeniach niekatorych działkoŭ asieli miljony dołaraŭ. «U kaho ŭ kišeniach? Čamu jany jašče ŭ ich u kišeniach, hetyja dołary, a nie ŭ biudžecie krainy ŭ trajnym abo dziesiacikratnym pamiery?» - zadaŭ pytańnie Alaksandr Łukašenka.
«Kali takija vypadki jość, ja chacieŭ by, kab my siońnia na hetu temu skončyli razmovu. Usio, što pavinna pastupić u kišeniu dziaržavy, pavinna pastupić. Usio pavinna być sumlenna i prystojna», - padkreśliŭ biełaruski lidar.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma11
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary