«Biełarusbank» 21 śniežnia aficyjna paćvierdziŭ adstaŭku staršyni praŭleńnia Siarhieja Pisaryka z zajmanaj pasady.
Rašeńniem naziralnaha savieta AAT «ASB Biełarusbank» ad 19 śniežnia Siarhiej Pisaryk vyzvaleny ad pasady staršyni praŭleńnia banka «pa pahadnieńni bakoŭ», paviedamlaje BiełaPAN.
Adnačasova pryniata rašeńnie ab uskładańni abaviazkaŭ staršyni na namieśnika staršyni praŭleńnia AAT «ASB Biełarusbank» Alaksandra Paliŭku.
«Źmiena ŭ kiraŭnictvie nie paŭpłyvaje na dziejnaść banka i vykanańnie im usich płanaŭ i abaviazacielstvaŭ», — padkreślivajecca ŭ paviedamleńni pres-słužby.
Paviedamleńni ab zvalnieńni «pa zahadzie źvierchu» kiraŭnika najbujniejšaha kamiercyjnaha dziaržbanka krainy źjavilisia ŭ ŚMI ŭviečary 14 śniežnia sa spasyłkaj na krynicy. Miž tym u samim «Biełarusbanku» na pramoje pytańnie ab zvalnieńni kiraŭnika nie adkazvali, ukazvajučy tolki, što Pisaryk pa-raniejšamu znachodzicca na pracy.
Siarhiej Pisaryk naradziŭsia ŭ 1969 hodzie ŭ Hancavičach (Bresckaja vobłaść). Z 1993 hoda pracavaŭ u bankaŭskaj sistemie. Z 1996 hoda pracavaŭ u «Biełarusbanku», da 2007 hoda staŭ namieśnikam staršyni praŭleńnia, a ŭ 2010 hodzie byŭ pryznačany pieršym namieśnikam staršyni praŭleńnia banka. Staršynioj praŭleńnia AAT «ASB Biełarusbank» Siarhiej Pisaryk byŭ pryznačany ŭ kastryčniku 2011 hoda. Zhodu na pryznačeńnie daŭ prezident.
Pryznačany vykanaŭca abaviazkaŭ staršyni praŭleńnia Biełarusbanka
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary