La kancavych stancyj novych linij mietro płanujecca budavać parkoŭki-pierachopy
La kancavych stancyj novych linij Minskaha mietrapalitena płanujecca budavać parkoŭki-pierachopy, paviedamiŭ 14 śniežnia na pres-kanfierencyi hienieralny dyrektar HA «Haražy, aŭtastajanki i parkoŭki» Alaksandr Kanaš.
«Pry raźvićci sietki mietrapalitena na kancavych punktach płanujecca abstalavać parkovačnyja miescy, kab aŭtamabilisty mahli dalej dla pieramiaščeńnia pa horadzie karystacca hramadskim transpartam», — zaznačyŭ Kanaš. Pavodle jaho słoŭ, naprykład, u Maskvie kala kancavych stancyj mietrapalitena i stvarajucca takija placoŭki. «Na žal, u nas takich placovak pakul niama», — skazaŭ Kanaš.
Ale, pavodle jaho słoŭ, u bližejšych da stancyj punktach letaś parkoŭki ź`iavilisia na kožnym kirunku ŭjezdu ŭ stalicu, u pryvatnaści na vulicy Napaleona Ordy, «ale da jaje treba jechać dva prypynki ad mietro, i heta peŭnyja niazručnaści». Taksama jość parkoŭki-pierachopy la stancyj mietro «Aŭtazavodskaja» (na vulicy Radyjalnaj) i «Maskoŭskaja» (na praśpiekcie Niezaležnaści), ale jany «pakul nie zapatrabavanyja».
«Sutačnaje cana parkoŭki — heta cana prajezdu na mietro ci aŭtobusie. Ale jość jašče miescy ŭ horadzie, dzie možna spakojna pastavić mašynu i ceły dzień prastajać biez apłaty, tamu parkoŭki-pierachopy nie karystajucca popytam. Ale z pavieličeńniem kolkaści płatnych parkovačnych miescaŭ u Minsku da 10 tysiač situacyja pavinna źmianicca i parkoŭki dla pierachopu buduć vykarystoŭvacca», — prahnazuje Kanaš.
Pry hetym, ličyć jon, stymulavać popyt na parkoŭki-pierachopy praz pavyšeńnie cen na płatnyja parkoŭki nie varta.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary