Takoha vy jašče nie bačyli: FOTY hamielčuka, jaki źniavažyŭ biełaruskuju movu
U supołcy Ukantakcie papularnaha homielskaha sajta «Mocnyja naviny» była źmieščanaja apytanka: «Jakaja hałoŭnaja mova hamielčukoŭ?» U varyjantach prapanoŭvałasia biełaruskaja, ruskaja i trasianka. Abmierkavańnie atrymałasia dastatkova žyvym, na niekalki sotniaŭ kamientaroŭ.
Asablivuju ŭvahu pryciahnuŭ niechta Vasil Varuščanka, jaki napisaŭ: «Biełaruskaja mova — heta trup, jaki hnije, jaho para ŭžo zakapać jak maha hłybiej. Tak liču». Z ruskaj movaj aŭtar taksama nie duža ŭ ładach, čaho varta napisańnie «poraby».
Naturalna, mnohija zacikavilisia, što heta za čałaviek, jaki paraŭnovaje movu z trupam. Sa staronki Vasila Ukantakcie vynikaje, što jon raniej pracavaŭ u departamiencie achovy Ministerstva ŭnutranych spraŭ. Ciapier miesca pracy paznačanaje ŭ jaho jak «chu…y chłopiec».
U fotazdymkach Vasila čaho tolki niama. Asabliva bahata niecenzurnaj leksiki, jakoj jon ščodra syple ŭ kamientarach.
Čaho varty tolki zdymak z podpisam «Mama, tvoj syn vyras bandytam», na jakim adlustroŭvajucca pistalet, bedž supracoŭnika MUS, furažka, patrony, śvistok, preziervatyvy, drobnyja kupiury, ikonka, tabletki, iryski i niejkaje biełaje rečyva.
I heta nie adzinaje, čym adznačajecca Varuščanka. Jość fota, dzie chłopiec pałochaje zbrojaj… kata!
Na hetym fonie zakinutyja na stoł sudździ ŭ administracyjnym budynku nohi padajucca biaźvinnym žartam. A jašče jość fotazdymki, dzie jon pieraadziavajecca ŭ žanočaje adzieńnie. I šmat čaho jašče.
Hałoŭnym u žyćci Vasil Varuščanka ŭ sacyjalnych sietkach paznačyŭ «samaraźvićcio».
P.S. Pres-słužba Departamienta achovy MUS adreahavała na publikacyju.
«Hety čałaviek nie źjaŭlajecca supracoŭnikam orhanaŭ unutranych spravaŭ. U 2013 hodzie jon byŭ zvolnieny i ŭ dadzieny momant nie maje nijakaha dačynieńnia da Departamienta achovy!» — napisała staršy inśpiektar adździaleńnia infarmacyi i hramadskich suviaziaŭ Departamienta achovy MUS Alena Homan.
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary