Viadomaja biełaruskaja tenisistka Viktoryja Azaranka, eks-pieršaja rakietka śvietu ŭ efiry Tennis Channel raspaviała, jak bavić čas u čakańni naradžeńnia dziciaci. Pierakład razmovy źjaviŭsia ŭ fan-hrupie spartsmienki ŭ sacyjalnaj sietcy Ukantakcie.
«Maja ciažarnaść — heta zusim inšy dośvied dla mianie, absalutna niepadobny da taho, što było raniej. Naturalna, ty viedaješ, što ciabie čakaje ŭ teoryi, ale zusim inšaja sprava praz heta prajści. Ty hłybiej uśviedamlaješ mahiju ŭsiaho hetaha.
Tenis — heta maja karjera, ale ciažarnaść — heta inšy bok žyćcia, heta padarunak Boha. Ja vieriu, što ŭ mianie ŭsio jašče jość mahčymaść rabić toje, što ja lublu, — hulać u tenis. Na moj pohlad, heta pakazvaje, nakolki dziaŭčaty-spartsmienki mocnyja», — skazała Viktoryja Azaranka.
Taksama jana adznačyła, što starajecca być aktyŭnaj i trymać siabie z formie, ale nie hulaje ŭ tenis apošnija paŭtara miesiaca. Azaranka pryznajecca, što sumuje pa zaŭziatarach, pa momancie vychadu na kort i pa supiernictvie. Hałoŭnaj svajoj metaj jana nazyvaje viartańnie ŭ sport paśla naradžeńnia dziciaci.
-
Moža i dobra było b, kab mužčyny rabili heta 20 razoŭ na miesiac
-
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty
-
Što takoje mužčynskaja kantracepcyja ciapier? Navukoŭcy navučylisia vyklučać i ŭklučać vypracoŭku śpiermatazoidaŭ
Kamientary