Abrany prezident ZŠA Donald Tramp zvolniŭ sa svajho pierachodnaha štaba Majkła Dž. Flina, syna hienierała ŭ adstaŭcy Majkła T. Flina, jakomu Tramp raniej prapanavaŭ zaniać pasadu daradcy pa pytańniach nacyjanalnaj biaśpieki.
Majkł Dž. Flin byŭ zvolnieny za toje, što raspaŭsiudžvaŭ u «Tvitery» fejkavyja naviny pra eks-kandydata na pasadu prezidenta ZŠA Chiłary Klintan.
Raniej u sacsietkach raspaŭsiudziłasia paviedamleńnie pra toje, što Klintan i kiraŭnik jaje štaba Džon Padesta nibyta byli źviazany sa strukturaj, jakaja ažyćciaŭlaje seksualnuju ekspłuatacyju dziaciej, u jakuju taksama ŭvachodziŭ haspadar siamiejnaj piceryi Comet Ping Pong Džejms Alefancis. U sietcy skandał atrymaŭ nazvu «picahiejt».
Napiaredadni žychar Paŭnočnaj Karaliny byŭ aryštavany paśla taho, jak uvarvaŭsia sa zbrojaj u restaran Comet Ping Pong ŭ Vašynhtonie. Sam jon patłumačyŭ, što chacieŭ daviedacca praŭdu z nahody skandalnych navin.
Nieŭzabavie paśla hetaha Majkł Flin-małodšy napisaŭ u «Tvitary», što da taho času, pakul skandał z «picahiejt» nie budzie abvierhnuty, jon praciahvaje zastavacca navinoj.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary