Člen kalehii vybarščykaŭ ad štata Techas Krys Suprun, jaki pradstaŭlaje Respublikanskuju partyju, zajaviŭ, što nie stanie hałasavać za Donalda Trampa na schodzie elektaralnaj kalehii ZŠA 19 śniežnia. «Ja tut, kab abrać prezidenta, a nie karala», - patłumačyŭ jon svajo rašeńnie.
U kałoncy dla vydańnia New York Times Suprun — miedyk z Dałasa — zajaviŭ, što nie zmoža vykanać uskładzienuju na jaho amierykanskimi vybarščykami funkcyju i prahałasavać za Trampa, bo «z dnia ŭ dzień» pierakonvajecca ŭ tym, što były mahnat nie zdolny dla taho, kab zaniać prezidenckuju pasadu.
«Mnie kazali, što, kali my abiarem Donalda Trampa, jon źmienicca, stanie bolš padobny na prezidenta. Jon hetaha nie zrabiŭ», - piša vybarščyk.
«Ja viedaju, što budzie niehatyŭnaja reakcyja publiki, ale na praciahu hetaj kampanii heta stała normaj. Ludzi nie zadavoleny. Jany uzłavany. Ale ja taksama zły», - napisaŭ Suprun.
U štacie Techas, jaki pradstaŭlaje Suprun, 38 vybarščykaŭ. Pavodle jaho słoŭ, hałasavać za Chiłary Klintan jon taksama nie budzie, jak i vychodzić sa składu kalehii.
Raniej jašče adzin vybarščykaŭ z Techasa, Art Siśnieras, vyjšaŭ sa składu kalehii, bo nie chacieŭ hałasavać za Trampa.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary