Julija Cimašenka amal nie maje majomaści, zatoje jaje muž…

Ukraina ŭviała abaviazkovaje i publičnaje dekłaravańnie dachodaŭ i majomaści dziaržaŭnymi čynoŭnikami i deputatami. Adnoj z samych bahatych asob Ukrainy akazaŭsia prezident Piatro Parašenka. Cikavaść była pryciahnuta i da majomaści byłoha premjer-ministra krainy Julii Cimašenka.

Lidar partyi «Baćkaŭščyna» Julija Cimašenka maje 486 tysiač hryvień (kala 20 tys. dalaraŭ) na bankaŭskim rachunku i 318 tysiač hryvień (kala 15 tysiač dalaraŭ) najaŭnymi.

U toj ža čas, zhodna z elektronnaj dekłaracyjaj za 2015 hod, u jaje muža Alaksandra Cimašenki — 2.989.650 hrn na rachunku ŭ banku, a taksama 163 000 jeŭra, 270 000 dalaraŭ i 360 000 hryvien najaŭnymi.

Dachody Cimašenka składalisia z zarpłaty ŭ Viarchoŭnaj Radzie (75 tysiač hrn) i srodkaŭ na vykanańnie deputackich paŭnamoctvaŭ (80 tysiač hrn).

Muž Cimašenka atrymaŭ zamiežny dachod: 2.390.942 hrn ad Diafox Consulting Limited, 119.875 hrn ad Britico Product s.r.o, 693183 hrn ad Toulouse Net LP, a taksama strachavyja vypłaty ŭ SK «Arsienał Strachavańnie» u sumie 66 tys. hrn.

Cimašenka aranduje dom płoščaj 588 kv.m. u Kozinie Abuchoŭskaha rajona Kijeŭskaj vobłaści.

Jana taksama maje «inšaje prava karystańnia» na «ziamielny ŭčastak pad abjektam arendy» ŭ Kozinie płoščaj 1500 kv.m., a taksama na «ziamielny ŭčastak u abjekta arendy» płoščaj 1862 kv.m.

Vałodaje domam i ziamloj Šarapava Taćciana Valerjeŭna, stryječnaja siastra Julii Cimašenka.

U dekłaracyi Cimašenka taksama pakazanaja kvatera ŭ Dniapry płoščaj 59,4 kv.m. z prypiskaj «Pamyłkova nie admieniena i rehistracyja. Kvatera nie naležyć Cimašenka Julii Uładzimiraŭnie».

Cimašenka zadekłaravała juvielirnyja vyraby: zavušnicy ź pierłami i drobnymi kaštoŭnymi kamianiami Mikimoto, zavušnicy ź pierłami i drobnymi kaštoŭnymi kamianiami Chanel, piarścionak z drobnym kaštoŭnymi kamieniem Dinh Van, zavušnicy ź pierłami i drobnymi kaštoŭnymi kamianiami Cartier, padvieska z kaštoŭnymi kamianiami Chopard, 2 adzinki karalaŭ ź pierlinami, piarścionak ź pierlinami i drobnymi kaštoŭnymi kamianiami, nabor z zavušnic i piarścionki z kaštoŭnymi kamianiami.

Mužu Cimašenka Alaksandru naležać mužčynskija naručnyja hadzinńniki Corum i Vacheron Constantin.

Jamu taksama naležać aŭtamabili Mercedes-Benz GL-350 CDI 2014 hoda vypusku (kaštavaŭ 1.248.000 hrn) i HAZ 14 1983 vypusku, jaki staŭ jaho ŭłasnaściu ŭ 2014 hodzie i kaštavaŭ 79 700 hrn.

Alaksandr Cimašenka źjaŭlajecca kančatkovym bienieficyjarnym uładalnikam 9 kampanij va Ukrainie.

Ź ich jon 100% uładalnikam tolki kampanii «Łedzi Ju». U «Ahrosojuz Fieniks» i «Farmasiept» jon vałodaje 51%, u «Prajekt A» 50%, «Jeŭrazijski handlovy dom» — 33,3%, «Hieofors», «Radeks-Trypali» i «Radeks hrup» — pa 25 %, «Dieosiept» — 15%.

• 0
• 0
• 0
• 0
• 0
• 0
• 0
• 0