Zahadčyk kafiedry BDSHA abvinavačany ŭ atrymańni chabaru i słužbovym padłohu
Zavieršana rasśledavańnie spravy zahadčyka kafiedry Biełaruskaj dziaržaŭnaj sielhasakademii, abvinavačanaha ŭ chabary, jaki jon braŭ sa studentaŭ.
Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, śledstva vyjaviła, što zahadčyk kafiedry ŭčyniŭ šerah złačynstvaŭ suprać intaresaŭ słužby. «Z krasavika pa červień 2016 hoda abvinavačany, skarystaŭšysia słužbovym stanoviščam u karyślivych metach, prymaŭ u navučencaŭ hrošy za vystaŭleńnie stanoŭčych adznak pry zdačy ekzamienaŭ i zalikaŭ. Akramia hetaha, im byli parušanyja patrabavańni praviłaŭ praviadzieńnia atestacyi studentaŭ zavočnaj formy navučańnia», — skazała Salaniuk.
Pavodle jaje słoŭ, abvinavačany atrymlivaŭ ad studentaŭ hrašovyja srodki ŭ zamiežnaj valucie i biełaruskich rublach, a taksama tavarna-materyjalnyja kaštoŭnaści. Pamier chabaru składaŭ, jak praviła, sumu, ekvivalentnuju 30 dołaram ZŠA. Śledstvam sabranyja dokazy pa 16 epizodach złačynnaj dziejnaści.
Pa vynikach razhladu pradstaŭleńnia, vyniesienaha śledčym u adras VNU ab likvidacyi pryčyn i ŭmoŭ, jakija sadziejničali ŭčynieńniu złačynstvaŭ, šerah słužbovych asob pryciahnutyja da dyscyplinarnaj adkaznaści, a niekatoryja ź ich zvolnienyja.
Kryminalnaja sprava pieradadziena prakuroru dla nakiravańnia ŭ sud.
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7777
Kamientary