Viadomy brytanski fizik Styvien Chokinh zaklikaŭ čałaviectva pakinuć Ziamlu i kałanizavać inšyja płaniety. Hetuju dumku jon vykazaŭ u knizie How To Make A Spaceship («Jak pabudavać kaśmičny karabiel»), uryvak ź jakoj dniami apublikavała vydańnieThe Guardian.
«Ja vieru ŭ mahčymaść kamiercyjnych kaśmičnych padarožžaŭ — dla daśledavańnia i zachavańnia čałaviectva, — razvažaje Chokinh. — Ja liču, što žyćcio na Ziamli znachodzicca ŭ pastajanna rastučaj niebiaśpiecy być źniščanaj u vyniku katastrofy — takoj jak raptoŭnaja jadziernaja vajna, hienietyčna skanstrujavany virus abo inšyja niebiaśpieki. Ja dumaju, što čałaviectva nie maje budučyni, kali nie vyjdzie ŭ kosmas».
Śmiarotna niebiaśpiečnymi fizik-tearetyk ličyć burnaje raźvićcio štučnaha intelektu i hłabalnaje paciapleńnie klimatu.
«Nam treba natchnić novaje pakaleńnie na cikavaść da kosmasu i navuki ŭ cełym, kab jany zadalisia pytańniem: Što my znojdziem u kosmasie? Ci jość inšapłanietnaje žyćcio abo my adny? Jak vyhladaje zachod sonca na Marsie?»
U cełym razvahi fizika pryśviečanyja tamu, što jon nie baicca pryhod, niahledziačy na toje, što pravioŭ 40 hadoŭ u invalidnym vazku. Navukoviec uspomniŭ ułasnaje padarožža ŭ biazvažkaści na Boeing 727 i zhadaŭ isnujučyja prajekty ŭ halinie pryvatnaj kasmanaŭtyki. Jon adznačyŭ, što vieryć u budučyniu kamiercyjnych palotaŭ u kosmas. «Maje koły tut, na Ziamli, ale ja nie pierastanu maryć», — piša jon.
-
Samsung prapanuje srodak ad młosnaści padčas pajezdki — śpiecyjalny huk sinusoidnaj chvali praz słuchaŭki
-
IT-hihanty masava zvalniajuć supracoŭnikaŭ, kab apłacić vykarystańnie štučnaha intelektu
-
Navukoŭcy razhadali adzin z hałoŭnych sakretaŭ Vialikaj piramidy — jak jana zdoleła vystajać padčas ziemlatrusaŭ
Kamientary