Hramadzianie Šviejcaryi ŭ chodzie refierendumu nie padtrymali inicyjatyvu prafsajuzaŭ i levych partyj ab pavyšeńni dziaržaŭnych piensij pa staraści na 10%, paviedamlaje Swissinfo.
Niahledziačy na toje, što na momant padrychtoŭki hetaha materyjału hałasavańnie jašče praciahvałasia, užo jasna, što prapanova nie atrymała nieabchodnaj padtrymki. Pavodle zakona, dla pieramohi na refierendumie prapanova pavinna atrymać h.zv. dvajnuju bolšaść, heta značyć atrymać bolšaść hałasoŭ u cełym pa krainie, a taksama atrymać uchvaleńnie ŭ bolšaści kantonaŭ i paŭkantonaŭ.
Pa stanie na 16:30 tolki 5 kantonaŭ padtrymali hetuju inicyjatyvu, 18 vystupili suprać. U cełym pa krainie dola praciŭnikaŭ piensijnaj reformy dasiahnuła 59,4%.
Prafsajuzy i levyja partyi damahalisia zakanadaŭčaha pavyšeńnia na 10% vypłat pa bazavaj piensijnaj dziaržaŭnaj strachoŭcy - tak zvanaj pieršaj apory. U takim vypadku realnaja prybaŭka dla adzinokich piensijanieraŭ pavinna skłaści ad 1400 da 2800 frankaŭ u hod, a dla muža i žonki — da 4200 frankaŭ. Reforma prasoŭvałasia pad brendam «AHVplus — za salidnaje piensijnaje zabieśpiačeńnie».
Raniej urad paličyŭ hetuju prapanovu praźmierna zatratnymi i zaklikaŭ hałasavać suprać jaje. Heta zapatrabavała b vydatkavać na piensii dadatkova amal 4 młrd frankaŭ u 2018 hodzie, a da 2030 hodzie dadatkovyja vydatki ŭzraśli b da 5,5 młrd frankaŭ. Dla ich kampiensacyi spatrebiłasia b pavialičyć ŭznosy rabotnikaŭ i pracadaŭcaŭ na 0,4%.
Pa dadzienych vydańnia, prapanova ab pavyšeńni piensij padtrymali žychary frankamoŭnych kantonaŭ Jura, Vo, Ženieva, Nieŭšatel i itałamoŭny kanton Cičyna. Asnoŭnaja častka praciŭnikaŭ pavyšeńnia piensij pražyvaje ŭ niamieckamoŭnych kantonach i rehijonach sa źmiašanym nasielnictvam.
U toj ža čas bolš za 65% udzielnikaŭ refierendumu padtrymali novuju redakcyju Fiederalnaha zakona ab raźviedvalnaj słužbie. Jana atrymaje prava pa rašeńni suda prasłuchoŭvać i kantralavać nie tolki telefonnyja razmovy, ale i internet-trafik. Akramia taho, śpiecsłužby atrymali prava zapuskać «sankcyjanavanyja dziaržavaj prahramy-trajany», mantavać śpiecyjalnyja sistemy dla prasłuchoŭvańnia razmoŭ asob, jakija padazrajucca ŭ ździajśnieńni złačynstvaŭ terarystyčnaj i inšaj ekstremisckaj nakiravanaści, raspracoŭvać i ŭkaraniać technałohii adbićcia kibierataki.
Kamientary