«Cmoki-Minsk» prezientavali novyja składy kamand i biełaruskamoŭny himn
Samaja biełaruskamoŭnaja baskietbolnaja kamanda Biełarusi «Cmoki-Minsk» praviała pres-kanfierencyju z nahody abnoŭlenych žanočych, mužčynskich i moładzievych składaŭ kamand siezona 2016/17.
Na prezientacyi kamanda prezientavała novuju hrupu padtrymki «Black Fox» i novy himn «Cmokaŭ» na biełaruskaj movie, u stvareńni jakoha braŭ udzieł adzin z hulcoŭ kamandy — amierykaniec Džaścin Hrej.
U mižsiezońnie ŭ žanočaj kamandzie adbylisia istotnyja pieramieny. U inšyja kłuby pierajšli Hiedre Paŭhajcie, Habryele Hutkaŭskajcie, Embier Džons, Maryna Ivaščanka, Volha Ziuźkova, Viktoryja Pankova, Maryna Kres. Na ich miesca pryjšli biełaruskija baskietbalistki: Anastasija Suščyk, Hanna Łapo, Kaciaryna Rybałka i Alaksandra Šaŭčenka. Padpisała damovu z kłubam i maładaja ŭdzielnica zbornaj Biełarusi pa baskietbole — Vijaleta Kiŭlak. Źjaviłasia i novaja abaronca ŭ žanočaj kamandzie — Rejčał Teryjot, jakaja advučyłasia ŭ kaledžy «Niabraska», dzie ličyłasia adnoj z samych pierśpiektyŭnych baskietbalistak u amierykanskaj studenckaj lizie NCAA.
Žanočaja kamanda «Cmoki» budzie ŭdzielničać u čatyroch turnirach: Čempijanacie Biełarusi, Kubku Biełarusi, Bałtyjskaj lizie i Uschodnie-Jeŭrapiejskaj lizie.
U mužčynskaj kamandzie taksama źjavilisia 5 novych hulcoŭ: Džordže Hahič (Sierbija), Dru Džojs (ZŠA), Łajmonas Kisielus (Litva), Niamańja Miłošavič (Čarnahoryja), Alaksiej Traściniecki (Biełaruś).
Kamanda zhulaje ŭ čatyroch turnirach: Čempijanacie Biełarusi, Kubku Biełarusi, Adzinaj lizie VTB i Lizie Čempijonaŭ.
Hienieralny dyrektar Juryj Šakoła adznačyŭ, što luby kłub pavinien być siamjoj, kali jon choča pieramahać. «My hulajem na dastatkova vysokim uzroŭni, dzie nichto nie choča prajhravać. My taksama nie chočam, tamu pośpiechaŭ nam usim».
Namieśnik staršyni Minharvykankama Ihar Karpienka ŭručyŭ padziaki ad mera Minska baskietbalistam Alaksieju Łaškieviču, Alaksandru Kudraŭcavu, Paŭłu Uljanku, Iharu Hryščuku i vykazaŭ spadziavańni na budučy siezon.
«Ja spadziajusia, nastupnyja hulni buduć takimi ž vidoviščnymi, a moža, i pieraŭzyjduć minuły siezon. Kłub abjadnoŭvaje nie tolki hulcoŭ i trenierski štab, ale abjadnoŭvaje i ŭsich nas».
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj25
Kamientary