Kryminalny pieraśled pahražaje piensijanieru z Łuninieckaha rajona za ŭłoŭ 46 ščupakoŭ, paviedamili ŭ pres-słužbie Dziaržaŭnaj inśpiekcyi achovy žyviolnaha i raślinnaha śvietu pry Prezidencie Biełarusi.
«Na vadaschoviščy Viełuta ŭ Łuninieckim rajonie piensijanier ź vioski Łušča z dapamohaj 68 donnych vudaŭ vyłaviŭ 46 ščupakoŭ ahulnaj vahoj 16 kh. Pakolki suma naniesienaj škody davoli bujnaja - Br2,9 tys. — rybaka čakaje kryminalny pieraśled», - adznačyli ŭ pres-słužbie.
U Dziaržinśpiekcyi rastłumačyli, što niahledziačy na toje, što donki pry amatarskim rybałoŭstvie nie zabaronieny, ahulnaja kolkaść kručkoŭ, jakija vykarystoŭvajucca adnačasova, nie moža być bolš za piać, maksimum — dziesiać, kali rybałoŭ źjaŭlajecca členam Biełaruskaha tavarystva palaŭničych i rybałovaŭ.
«Niezakonnaść svaich dziejańniaŭ rybak ŭśviedamlaŭ: pry zatrymańni jon pasprabavaŭ źbiehčy ad dziaržinśpiektaraŭ Mikaševickaj MRI na aŭtamabili. Pahonia była niadoŭhaj - parušalnik paškodziŭ dva koły i źjechaŭ u kiuviet. Vyskačyŭšy z mašyny, jon vykinuŭ miech z rybaj. Usio heta zafiksavali supracoŭniki inśpiekcyi», - raspaviali ŭ pres-słužbie.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary