«Antonaŭ»: Ukraina i Kitaj buduć sumiesna vyrablać samaloty An-225 «Mrija»
Ukrainskaje pradpryjemstva «Antonaŭ» abvierhła zajavy kitajskich ŚMI pra toje, što Ukraina pradała ŭsie pravy na hihancki samalot-transparcior An-225 «Mrija». Pa słovach kampanii, havorka idzie pra sumiesnaje supracoŭnictva. Pra heta havorycca ŭ paviedamleńni pradpryjemstva ŭ Facebook.
«30 žniŭnia 2016 hoda DP «Antonaŭ» i kitajskaja kampanija Aerospace Industry Corporation of China (AICC) padpisali pahadnieńnie ab supracoŭnictvie pa prahramie An-225», — havorycca ŭ paviedamleńni.
Va ŭkrainskaj kampanii adznačyli, što havorka idzie pra doŭhaterminovaje supracoŭnictva, jakoje praduhledžvaje na pieršym etapie pabudovu druhoha madernizavanaha asobnika samalota An-225 «Mrija» u DP «Antonaŭ» i pastaŭku kampanii AICC, a taksama stvareńnie na druhim etapie sumiesnaj sieryjnaj vytvorčaści An-225 u Kitai pa licenzii DP «Antonaŭ».
U Kitai hetuju zajavu pakul nijak nie prakamientavali.
Raniej kitajskija ŚMI paviedamili, što China Airspace i ŭkrainskaje dziaržpradpryjemstva «Antonaŭ» padpisali dahavor ab supracoŭnictvie; pa damovie da Kitaja pierachodzić prava ŭłasnaści na adziny ŭ śviecie asobnik hihanckaha samalota-transportara AN-225, uklučajučy vykarystańnie čarciažoŭ i śpiecyfikacyj samalota.
An-225 «Mrija» — transpartny reaktyŭny samalot zvyšvialikaj hruzapadymalnaści raspracoŭki AKB imia Antonava. Byŭ sprajektavany i pabudavany ŭ SSSR na Kijeŭskim miechaničnym zavodzie ŭ 1984-1988 hadach. Pieršy palot byŭ ździejśnieny 21 śniežnia 1988 hoda.
«Mrija» — samy ciažki hruzapadymalny samalot u śviecie. Samalot maje mahčymaść pieravozki hruzaŭ ahulnaj masaj da 250 ton. Jon zdolny źmiaścić unutry fiuzielaža 50 lehkavych aŭtamabilaŭ. Ciapier An-225 isnuje ŭ adzinym ekziemplary.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary