Cyhany pakinuć siało Łaščynaŭka Adeskaj vobłaści Ukrainy paśla patrabavańnia z boku miascovych žycharoŭ vysielić ich u suviazi z zabojstvam vaśmihadovaj dziaŭčynki.
Pa słovach kiraŭnika Izmailskaj rajonnaj administracyi Valanciny Stojkavaj, cyhanam dazvolać «mirna zabrać svaje rečy i vyjechać ź siała» ranicaj 29 žniŭnia.
Jana patłumačyła, što rašeńnie sielsavieta ab vysialeńni cyhan nie maje jurydyčnaj siły, adnak cyhany pahadzilisia na pierajezd, pakolki «ŭ isnych umovach nie zmohuć spakojna žyć u hetym siale».
Akramia taho, cyhany daduć miascovym uładam «pieralik kantaktnych asob» dla suviazi pa pytańniach «padtrymańnia imi paradku», bo, pa słovach Stojkavaj, «hetyja romy daloka nie źjeduć, jany asiaduć u Izmailskim rajonie».
27 žniŭnia ŭ vioscy Łaščynaŭcy Adeskaj vobłaści była znojdziena zabitaj vaśmihadovaja dziaŭčynka. Pa padazreńni ŭ zabojstvie byŭ zatrymany 20-hadovy miascovy žychar cyhanskaha pachodžańnia. Paśla hetaha miascovyja žychary razhramili niekalki damoŭ, dzie žyli cyhany, i zapatrabavali ich vysialeńnia z Łaščynaŭki.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary