Kiraŭnik dziaržkampanii «Rasnafta» Ihar Siečyn padaje pazoŭ suprać «Novaj haziety», telekanała «Doždž» i šerahu inšych ŚMI praź niedakładnyja publikacyi, paviedamlaje pres-słužba kampanii.
«Na fonie paśpiachovaj pracy «Rasnafty» kampanija, raźviazanaja ŭ ŚMI suprać «Rasnafty» i jaje kiraŭnictva, nosić vidavočna zakazny charaktar», — havorycca ŭ paviedamleńni.
U paniadziełak u «Novaj haziecie» byŭ nadrukavany artykuł, jaki analizuje zdymki z zakrytaha instahram-akaŭnta karystalnika Olga Rozhkova (@olgarzs), jakuju vydańnie nazyvaje žonkaj Siečyna.
Aŭtary rasśledavańnia śćviardžajuć, što jana aktyŭna padarožničaje na raskošnaj jachcie St. Princess Olga, jakaja zajmaje 72-je miesca ŭ rejtynhu 100 najbujniejšych jacht śvietu.
Jak zajavili ŭ «Novaj haziecie», u «Rasnafcie» admovilisia ad kamientaroŭ.
U mai minułaha hoda «Rasnafta» raskryła pamier słužbovaha akładu prezidenta kampanii: jon składaje ad 15 da 20 młn rubloŭ (290-390 tysiač dalaraŭ pa stanie na maj 2015 hoda).
Zychodziačy z hetych ličbaŭ, zarpłata Siečyna ŭ hod moža skłaści biez uliku premij i dadatkovych vypłat da 240 młn rubloŭ.
Pamier hadavoj premii prezidenta vyznačajecca ŭ pracentach ad hadavoj hrašovaj uznaharody i składaje 150%. Takim čynam, z ulikam premii ŭ 360 miljonaŭ rubloŭ Ihar Siečyn moža atrymlivać da 600 młn rubloŭ u hod (11,8 młn dalaraŭ).
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary