Rasijskaja «Novaja hazieta» apublikavała rasśledavańnie pra bahataje žyćcio kiraŭnika «Rasnafty» Ihara Siečyna i jaho maładoj žonki.
Jany majuć dačynieńnie da raskošnaj jachty pamieram amal z futbolnaje pole. Na joj jość basiejn, viertalotnaja placoŭka, džakuzi, lift… Jachta atrymała nazvu St. Princess Olga («Śviataja pryncesa Volha»). Jana zajmaje 72-je miesca ŭ rejtynhu 100 samych vialikich jacht ŭ śviecie.
Niekalki hadoŭ tamu Ihar Siečyn raźvioŭsia sa svajoj pieršaj žonkaj. A paśla pabraŭsia šlubam z Volhaj Ražkovaj (ciapier jaje proźvišča Siečyna). Raniej Volha pracavała ŭ aparacie ŭrada, kali Siečyn byŭ vice-premjeram, a ciapier uładkavałasia ŭ dziaržaŭny «Hazprombank».
Miarkujučy pa fatahrafijach u sacyjalnych sietkach, Volha Siečyna bolšuju častku času pravodzić za miažoj. U jaje akaŭncie ŭ Instagram šmat fatahrafij ź jachty la bierahoŭ fiešenebielnych kurortaŭ Sardzinii i Korsiki.
Detali na hetych fota šmat u čym nahadvajuć detali St. Princess Olga. Bolš za toje: miescy na fota supadajuć z maršrutam jachty.
Paraŭnaŭšy fatahrafii z sacyjalnych sietak Siečyna z fotazdymkami jachty St. Princess Olga, a taksama jaje maršrutami, možna vykazać zdahadku, što žonka kiraŭnika «Rasnafty» adpačyvała mienavita na hetym sudnie.
Pavodle acenak ekśpiertaŭ, «Śviataja pryncesa Volha» kaštuje nie mienš za $100 miljonaŭ.
Pry hetym zarobak Siečyna z bonusami składaje kala $12 miljonaŭ na hod.
Tearetyčna kiraŭnik «Rasnafty» moh arandavać jachtu dla svajoj žonki. Ale navat pry jaho aficyjna vysokim zarobku arenda St. Princess Olga mocna ŭdaryła b pa siamiejnym biudžecie. Prapanovy pa tydniovaj arendzie jacht, padobnych St. Princess Olga, pačynajucca ad $1 miljona. dalaraŭ. A, miarkujučy pa fatahrafijach, Volha Siečyna za apošnija try hady praviała na jachcie zusim niamała času.
U pres-słužbie «Rasnafty» na pytańni «Novaj haziety» pa sutnaści nie adkazali. «Škadujem pra toje, što źmiest vašych zapytaŭ za apošni miesiac traplaje ŭ kantekst vidavočnaj zamoŭlenaj kampanii, raźviazanaj suprać «Rasnafty» i jaje kiraŭnika», — havorycca ŭ zajavie kampanii.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary