Bielhijskaja paralimpijka Maryka Viervut maje namier ździejśnić eŭtanaziju paśla vystupu na Hulniach 2016 hoda ŭ Rya-de-Žaniejra, paviedamlaje TASS.
U spartsmienki paralizavanyja nohi, jana vystupaje ŭ zajezdach na vazkach. U 2012 hodzie Viervut stała čempijonkaj Paralimpijskich hulniaŭ u Łondanie na dystancyi 100 mietraŭ.
«Sport — adziny sens majho žyćcia. Mnie vielmi ciažka zmahacca z chvarobaj i treniravacca, Hulni-2016 źjaŭlajucca majoj apošniaj maraj. Ja nie chaču nijakaha pachavańnia — mnie dastatkova, kab usie vypili pa kufli šampanskaha i padumali pra mianie», — skazała jana.
Raniej spartsmienka zajmałasia tryjatłonam, a paźniej zasiarodziłasia na lohkaj atletycy.
U Bielhii eŭtanaziju lehalizavali ŭ 2002 hodzie, eŭtanaziju dla dziaciej, małodšych za 18 hadoŭ, uzakonili ŭ 2014 hodzie. Dla praviadzieńnia eŭtanazii ŭ hetaj krainie nieabchodnaja zhoda troch daktaroŭ.
U Biełarusi ažyćciaŭleńnie eŭtanazii, u tym liku z dapamohaj miedycynskich rabotnikaŭ, zabaronienaje. Jano kvalifikujecca jak naŭmysnaje zabojstva (Art. 31 Zakon RB Ab achovie zdaroŭja 2435-XII ad 1993/06/18 h.).
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary