Narodny paet Biełarusi Ryhor Baradulin pachavany na svajoj małoj radzimie ŭ miastečku Ušačy Viciebskaj vobłaści.
Jahonaja mahiła mieścicca miž prakavietnych kurhanoŭ u samym centry starych, ciesnych mohiłak.
Mahiła vymaščanaja žornami — sprečnaja ideja skulptara Ihara Zasimoviča. Žorny pieradali zvyčajnyja ludzi z roznych kancoŭ Biełarusi.
Važki vałun-pomnik na mahiłu dastaŭlali viertalotam Ministerstva pa nadzvyčajnych situacyjach. Inšaha sposabu dastavić pomnik na siaredzinu ciesnych kładoŭ nie było.
Padmurak pad pomnik ziemlaki zalivali ŭručnuju. 25 čałaviek ciaham dnia pieranieśli 800 viodzier bietonu.
Kala mahiły staić stend ź infarmacyjaj pra paeta, jakim hanaracca ziemlaki. Baradulin hladzić z doški, niby ź inšaśvietu.
Na žal, brakuje anałahičnaha stenda ź infarmacyjaj pa-anhlijsku i pa-rasiejsku. Prytym što pierakładaŭ Baradulina na zamiežnyja movy nie brakuje.
Ctend na biełaruskaj movie byŭ vyrableny nie za košt dziaržaŭnaha biudžetu ci miascovych uładaŭ, a na dabračynnyja achviaravańni hramadzian.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary