Muziej Chałakostu ŭ Vašynhtonie paprasiŭ naviedvalnikaŭ nie łavić pakiemonaŭ
Miemaryjalny muziej Chałakostu ŭ Vašynhtonie i Arłynhtonskija nacyjanalnyja mohiłki paprasili naviedvalnikaŭ ustrymacca ad łoŭli pakiemonaŭ na svajoj terytoryi.
Muziej i mohiłki, jak i mnohija inšyja pamiatnyja miaściny, vykarystoŭvajucca ŭ jakaści abjektaŭ u hulni z dapoŭnienaj realnaściu Pokemon Go.
Pa słovach dyrektara pa kamunikacyjach Endru Cholinhiera, zaraz administracyja muzieja Chałakostu sprabuje damahčysia jaho vydaleńnia z Pokemon Go, pakolki hulać unutry miemaryjała, pryśviečanaha achviaram nacyzmu, «nadzvyčaj niedarečna».
Aficyjny pradstaŭnik Arlinhtonskich mohiłak Styvien Śmit skazaŭ, što administracyja prymaje previentyŭnyja miery, ciapier realnaj prablemy z-za hulni la mohiłak nie ŭźnikaje. Płaniroŭka mohiłak takaja, što ciažka zrazumieć, hulaje naviednik sa smartfonam u pakiemonaŭ abo šukaje praz mabilny dadatak patrebnuju mahiłu.
***
Japonskaja kampanija Nintendo 6 lipienia vypuściła Pokemon GO — hulniu z elemientami dapoŭnienaj realnaści, jakaja pracuje ŭ smartfonach na iOS i Android. Dadatak prapanuje šukać i pryručać pakiemonaŭ, schavanych u realnym śviecie.
Dapoŭnienaja realnaść užyvajecca ŭ hulniach užo niekalki hadoŭ, ale Pokemon GO, zdajecca, pravioŭ cełuju revalucyju: dadatak bje rekordy papularnaści, a hulcy nie mohuć adarvacca ad pošuku pakiemonaŭ navat na spatkańniach abo na akcyjach pratestu.
Za tydzień hulniu spampavali niekalki dziasiatkaŭ miljonaŭ razoŭ, a akcyi Nintendo vyraśli na 25%.
Zachapleńnie hulnioj pryvodzić da kurjozaŭ. Niekatoryja pracadaŭcy zabaraniajuć svaim rabotnikam hulać na pracoŭnym miescy, a padletak sa štata Vajominh šukaŭ pakiemona ŭ race, a znajšoŭ realny trup.
Ciapier čytajuć
Miortvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB10
Kamientary