Try pažary ŭ Hrodzienskaj vobłaści adbylisia z-za ŭdaru małanki, paviedamili ŭ Hrodzienskim abłasnym upraŭleńni MNS.
Uviečary 17 červienia pastupiła paviedamleńnie ab pažary ŭ žyłym domie ŭ v. Dzialacičy Navahrudskaha rajona. Ahniom źniščany dach, paškodžanyja pierakryćcie, ścieny i majomaść u domie. U vyniku pažaru z-za ŭdaru małanki paškodžany dach žyłoha doma ŭ d.Tryčy Hrodzienskaha rajona. Zhareła haspadarčaja pabudova ŭ v. Małaja Niaviša Ščučynskaha rajona, mierkavanaja pryčyna pažaru — udar małanki.
U Hrodzienskaj vobłaści za sutki ŭsiaho adbyłosia 6 pažaraŭ. Svaju leptu ŭ statystyku ŭniesła i nieaściarožnaje abychodžańnie z ahniom. U pas. Bierahavy Hrodzienskaha rajona zdaryŭsia pažar u pryčepie-vahončyku z vullami (try vulla zhareli). Źniščanyja ahniom haspadarčaja pabudova i dach žyłoha doma ŭ v. Śviarplevičy Dziatłaŭskaha rajona, paškodžany pierakryćcie, ścieny i majomaść u domie.
U 21.25 17 červienia pastupiła paviedamleńnie ab zaharańni panižalnaha transfarmatara ŭ v. Chvajniany Hrodzienskaha rajona. Paškodžanaja abmotka transfarmatara. Jak miarkujecca, pryčyna pažaru — karotkaje zamykańnie abmotki.
Pavodle paviedamleńnia AUMNS, nastupstvy prachodžańnia navalnicy i mocnaha vietru adčuli ŭ Hrodnie i 9 rajonach vobłaści. Zafiksavana 74 vypadki padzieńnia dreŭ na prajeznuju častku, linii elektrapieradačy i budynki.
Kamientary