Prezident ZŠA Barak Abama praciahnuŭ jašče na hod sankcyi ŭ dačynieńni da biełaruskich čynoŭnikaŭ. Pasłańnie Abamy Kanhresu ZŠA pra toje, što sankcyi padaŭžajucca paśla 16 červienia 2016 hoda, raźmieščana na aficyjnym sajcie Biełaha doma.
U dakumiencie skazana, što dziejańni peŭnych pradstaŭnikoŭ biełaruskaha ŭrada «ŭjaŭlajuć nadzvyčajnuju pahrozu nacyjanalnaj biaśpiecy i źniešniaj palitycy ZŠA».
Na dumku amierykanskaha prezidenta, hetyja ludzi taksama «padryvajuć demakratyčnyja pracesy i instytuty ŭ Biełarusi». Va ŭkazie, dziejańnie jakoha padoŭžyŭ prezident Abama, ułady Biełarusi abvinavačvajucca ŭ «parušeńniach pravoŭ čałavieka, źviazanych z palityčnymi represijami, a taksama ŭdziele ŭ karupcyi».
Sankcyi ŭ dačynieńni da Alaksandra Łukašenki i šerahu čynoŭnikaŭ i členaŭ ich siemjaŭ, byli ŭviedzienyja 16 červienia 2006 hoda Džordžam Bušam. Nahodaj stali prezidenckija vybary ŭ Biełarusi, jakija ŭ ZŠA i ES pryznali niedemakratyčnymi.
Sankcyi praduhledžvajuć błakavańnie rachunkaŭ nazvanych asob u amierykanskich bankach, zabaronu im na ŭjezd u ZŠA, zabaronu amierykanskim kampanijam vieści ź imi spravy.
U 2010 hodzie, paśla čarhovych prezidenckich vybaraŭ, śpis biełaruskich čynoŭnikaŭ, jakim zabaronieny ŭjezd u ZŠA, byŭ pašyrany.
Kamientary