U zale suda płakali ŭsie: sienatarku Hannu Šarejka vyzvalili prosta pad apładysmienty
10 červienia Viarchoŭny sud ahučyŭ prysud viciebskaj sienatarcy, jakaja ŭznačalvała Viciebskuju ptuškafabryku (handlovaja marka «Hanna»).
Pierad pačatkam pasiadžeńnia Šarejka i Valdemaras Norkus (jaje žanich i biznes-partnior, praz zakupku karmoŭ u jaho sienatarka i trapiła za kraty) byli ŭ dobrym humory: paśmichalisia, vitali znajomych i svajakoŭ.
U vyniku, Hanna Šarejka atrymała 2 hady 6 miesiacaŭ kałonii ahulnaha režymu i štraf u 31 miljon. Hramadzianin Litvy Valdemaras Norkus — 2 hady kałonii ahulnaha režymu i štraf u 31 miljon, vyrašyŭ sudździa Uładzimir Davydaŭ. Norkus zastaniecca ŭ turmie. Jon nie trapiŭ pad amnistyju, 10 lipienia, kali skončacca 2 hady, jakija jon pravioŭ za kratami, Norkus vyjdzie na volu.
Taksama i Šarejka i Norkus pazbaŭleny prava zajmać prava kiraŭničyja pasady.
Razam z Šarejka sudzili i inšych jaje biznes-partnioraŭ i padnačalenych. Heta Nadzieja Siemčankava — byłaja namieśnica hiendyrektara fabryki, jana atrymała 2 hady pazbaŭleńnia voli i 21 miljon štrafa. Jaŭhien Kanavalčanka — były namieśnik hiendyrektara - 4 hady abmiežavańnia voli biez štrafa i nakiravańnia ŭ papraŭčuju ŭstanovu. Mikałaj Kamaroŭ, były namieśnik hiendyrektara pa finansach, atrymaŭ 3 hady abmiežavańnia voli. Michaił Razžyvin, hiendyrektar rasjskaj firmy «Ruskom-R» - 4 hady abiježavańnia voli. Uładzimir Lijarencevič — hałoŭny śpiecyjalist pa zamiežnaekanamičnych suviaziach fabryki, adziny, chto pryznaŭ vinu, prysudžany da 2 hadoŭ abmiežavańnia voli.
Ale ž abvinavačanyja praviali 2 hady ŭ SIZA. Plus trapili pad amnistyju pryśviečanuju 70-hodździu Pieramohi. Usich ich, aproč Norkusa, vyzvalili ŭ zale suda.
U pakoi zahučali apładysmienty. Płakali ŭsie - nie tolki sienatarka, ale i jaje padnačalenyja, jakija pryjechali padtrymać byłoha kiraŭnika.
Nahadajem, što šaściora abvinavačanych prasili ich apraŭdać. Siomy, Lijarencevič, jaki pryznaŭ svaju vinu, paprasiŭ vynieści «abjektyŭny prysud».
Prakuror Anatol Miacielski prasiŭ pa 2,5 hady Šarejka i jaje žanichu i biznes-partnioru Valdemarasu Norkusu. Dla namieśnikaŭ Šarejka Siemčankavaj i Kanavalčanki, a taksama Razžyvina prakuror zaprasiŭ pa 2 hady pazbaŭleńnia voli sa štrafam 100 bazavych. Usich — z pazbaŭleńniem prava zajmać peŭnyja pasady na praciahu 5 hadoŭ i z adbyvańniem u papraŭčaj kałonii va ŭmovach ahulnaha režymu.
Lijarenceviču i Kamarovu — 2 hady abmiežavańnia voli biez nakiravańnia ŭ papraŭčyja ŭstanovy.
***
Nahadajem, što Hanna Šarejka była aryštavanaja ŭ žniŭni 2014 hoda. Pa viersii śledstva, Šarejka, byŭšy hiendyrektaram Viciebskaj brojlernaj ptuškafabryki, ustupiła ŭ karupcyjnuju zmovu sa svaim žanichom Valdemarasam Norkusam, dyrektaram litoŭskaj firmy «Dajmas» i zasnavalnikam kampanii «Ruskom-R» (jon abvinavačany ŭ dapamahańni), praź jakuju išli pastaŭki ŭ Viciebsk kambikarmoŭ i karmavych dabavak.
Pa słovach prakurora, firma Norkusa dla zajaŭki na konkursie vystaŭlała zaviedama zanižanuju canu, ale potym košt pavialičvaŭsia za košt transpartnych vydatkaŭ i mytnych płaciažoŭ. U vyniku kančatkovaja cana zamiežnaha kambikormu była značna vyšej ajčynnaha. Dziaržabvinavačańnie aceńvała škodu u 4 młrd rubloŭ.
Pad čas znachodžańnia ŭ SIZA Hanna Šarejka i Valdemaras Norkus vyrašyli aficyjna aformić svaje adnosiny i zarehistravać šlub, ale sud admoviŭ im.
Šarejka ŭznačalvała viciebskuju ptuškafabryku z 1998 hoda da svajho zatrymańnia ŭ žniŭni 2014 hoda. Taksama jana źjaŭlajecca členam Savieta Respubliki ad Viciebskaj vobłaści. Paśla zatrymańnia na siesii Savieta Respubliki Nacyjanalnaha schodu Biełarusi jaje pazbavili niedatykalnaści.
Na praciahu 2006-2014 hadoŭ čysty prybytak Viciebskaj brojlernaj ptuškafabryki skłaŭ $90 miljonaŭ. U pieršy ž hod paśla aryštu dyrektarki byli zafiksavanyja straty.
«Chaj mianie asudziać za maje słovy, ale ja skažu» — pieršaje intervju Hanny Šarejka
«Ludzi mocnyja stanoviacca tolki macniejšymi ŭ takich umovach» — Hanna Šarejka prakamientavała vyniki sudovaha pracesu
Pradpryjemstva Hanny Šarejki zarabiła $90 miljonaŭ, a ciapier upieršyniu stała stratnym — ličby
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary