Ułady astraŭnoj dziaržavy Nauru, što ŭ Cichim akijanie, damahlisia pryniaćcia čarhovaha bujnoha pakieta papravak u kryminalnaje zakanadaŭstva krainy, vyklučyŭšy sa śpisu kryminalna karalnyja dziejańni, u pryvatnaści, homaseksualnyja adnosiny i samahubstva.
Akramia taho, papraŭki ŭ zakanadaŭstva admianiajuć rabstva, farmalna dazvolenaje ŭ krainie da hetaha momantu, zabaraniajuć maci zabivać svaich novanarodžanych dziaciej i pašyrajuć paniaćci zhvałtavańnia na vypadki seksualnaha hvałtu, zafiksavanyja ŭ šlubie.
Heta najbujniejšyja źmieny ŭ kryminalnym zakanadaŭstvie Nauru z momantu pryniaćcia papiaredniaj viersii kryminalnaha kodeksu krainy ŭ kancy 19-ha stahodździa. Adnak aborty ŭ Nauru zastajucca supraćzakonnymi.
Mnohija mižnarodnyja arhanizacyi vitali hetaje rašeńnie, adznačyŭšy, što Nauru padaje dobry prykład Cichaakijanskim dziaržavam, adstojvajučy pryncypy hiendarnaj roŭnaści i pravy seksualnych mienšaściaŭ.
U toj ža čas pravaabaroncy ŭsio roŭna nazyvajuć reformu kryminalnaha zakanadaŭstva Nauru niedastatkova maštabnaj. Na ich dumku, apošnija źmieny ŭ zakanadaŭstvie praktyčna nijak nie palahčajuć stanovišča sotniaŭ biežancaŭ — samych niaščasnych žycharoŭ vyspy.
Pry hetym faktyčna ŭłady vyrašyli admianić pakarańni za samazabojstva mienavita paśla taho, jak skončyć z saboj pasprabavali niekalki biežancaŭ, jakija prybyvajuć na vostraŭ u ramkach pahadnieńnia ab pryjomie biežancaŭ, zaklučanaha ŭładami krainy z Aŭstralijaj.
Nauru — astraŭnaja dziaržava ŭ Cichim akijanie. Jaje płošča składaje 21 kvadratny kiłamietr, a nasielnictva - kala 10 tysiač čałaviek
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii5
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1212
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary