Što treba, kab žyć doŭha. Hieryjatry źmianili svaje rekamiendacyi — šeść hałoŭnych paradaŭ
U intervju radyjo «Svaboda» pra heta raskazaŭ prafiesar-hieryjatr, zasnavalnik Biełaruskaha respublikanskaha hierantałahičnaha hramadskaha abjadnańnia Andrej Ilnicki.
1. Fizičnaja aktyŭnaść. Suśvietnaja arhanizacyja achovy zdaroŭja patrabuje minimalny ŭzrovień fizičnaj aktyŭnaści — bieh, chadžeńnie piechatoju, praca na harodzie, zaniatki ŭ fitnes-kłubie, basiejn — minimum 150 chvilin štotydniova.
2. Abaviazkova dva razy na tydzień patrebnyja praktykavańni dla myšc ruk. Asabliva dla ludziej starejšaha ŭzrostu, bo heta prafiłaktyka takoha stanu, jak sarkapenija — uzrostavyja źmieny myšcaŭ, kali jany robiacca bolš mlavymi, słabymi, nia tak słuchajucca čałavieka, jak u maładyja hady.
3. Štodzionna spažyvać 400 hram chrumstkaj sadaviny i harodniny čyrvonaha, žoŭtaha i siniaha koleraŭ. Mienavita ŭ joj vitaminy i mikraelemienty, jakija nieabchodnyja dla narmalnaj žyćciadziejnaści.
4. Treba kinuć kuryć i źnizić užyvańnie ałkaholu.
5. Vielmi važna dastatkova pić, asabliva paśla 60–65 hadoŭ. Ciapier my nie abmiažoŭvajem našych starych u vadkaści i raim im pić bolš. Stałym kateharyčna zabaroniena adčuvać smahu.
6. Kaniečnie, treba imknucca nie svarycca sa svaimi blizkimi. Prymać žyćcio takim, jakoje jano jość. A kali vam niešta nie padabajecca — mianiajcie heta.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary