Rasijski źniščalnik Su-27 ažyćciaviŭ pierachop vyviedvalnaha samalota VPS ZŠA RC-135 u niebie nad Bałtyjskim moram, paviedamiŭ pradstaŭnik Jeŭrapiejskaha kamandavańnia ŭzbrojenych sił ZŠA Deni Ernandes amierykanskim ŚMI.
«14 krasavika samalot RC-135 amierykanskich VPS, jaki vykonvaŭ płanavy pieralot u mižnarodnaj pavietranaj prastory nad Bałtyjskim moram, byŭ pierachopleny rasijskim Su-27 u niebiaśpiečnaj i nieprafiesijnaj formie», — cytuje Fox News vystup Ernandesa.
Pavodle jaho słoŭ, samalot taksama ździajśniaŭ biazładnyja i ahresiŭnyja manieŭry.
«Niebiaśpiečnyja i nieprafiesijnyja dziejańni adnaho piłota mohuć pryvieści da niepatrebnaj eskałacyi napružanaści pamiž krainami», — pryvodzić telekanał CNN słovy Ernandesa.
Adznačajecca, što pierachop adbyŭsia nieŭzabavie paśla taho, jak rasijskija Su-24 na praciahu niekalkich dzion zanadta blizka, na dumku Pientahona, padlatali da karabla «Donald Kuk» u mižnarodnych vodach Bałtyki.
Tady jeŭrapiejskaje kamandavańnie ŭzbrojenych sił ZŠA vypuściła zajavu, u jakoj vykazvałasia «hłybokaja zaniepakojenaść» z nahody «niebiaśpiečnych i nieprafiesijnych rasijskich pavietranych manieŭraŭ».
U rasijskim minabarony ŭ adkaz zajavili, što ŭsie paloty vykonvajucca ŭ strohaj adpaviednaści ź mižnarodnymi praviłami vykarystańnia pavietranaj prastory nad niejtralnymi vodami.
Pradstaŭnik rasijskaha viedamstva acharaktaryzavaŭ reakcyju ZŠA jak chvaravituju — pry tym, što, pavodle jaho słoŭ, «pryncyp svabody sudnachodstva eśminca VMS ZŠA zusim nie admianiaje pryncyp svabody pavietrapłavańnia rasijskich pavietranych sudoŭ».
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary