Film: Kłovierfiłd, 10
Režysior: Den Traktenbierh
U rolach: Džon Hudman, Mery Elizabiet Uinsted, Džon Hałachier mł., Duhłas M. Hryfin, Siuzan Krajer
ZŠA, 103 chv
Adznaka: 6
Paśla aŭtakatastrofy Mišel prychodzić u prytomnaść ŭ padziemnym bunkiery razam z dvuma mužčynami. Jany śćviardžajuć, što na śviet abrynułasia chimičnaja abo jadziernaja ataka i žyć na pavierchni bolš niemahčyma. Adzin ź ich, Hovard, daŭno rychtavaŭsia da hetaha i pabudavaŭ bunkier z usim nieabchodnym unutry. Dziaŭčyna sumniavajecca ŭ praŭdzivaści hetych słoŭ i znachodzić niekalki abstavinaŭ, jakija paćviardžajuć abhruntavanaść jaje sumnieńniaŭ. Jana dzielicca svaimi dumkami z Emietam, i jany sumiesna pradumvajuć płan uciokaŭ.
Film byŭ spradziusavany Dž. Dž. Abramsam i jaho kampanijaj Bad Robot Productions. Abrams nazvaŭ novy film «kroŭnym svajakom» «Monstra» (u aryhinale «Kłovierfiłd»), jaki jon pradziusiravaŭ u 2008-m. U im nieviadomaja pačvara napadaje na Ńju-Jork, a raspoviad viadziecca ad asoby chłopca, jaki nibyta zdymaje padziei na svaju kamieru. Z časam film staŭ kultavym ŭ žanry psieŭdadakumientalnaha chorara.
U roli režysiora vystupiŭ debiutant Den Traktenbierh, viadomy pa karotkamietražnym filmie «Partał: Vyjścia niama» pavodle adnajmiennaj kampjutarnaj hulni.
Hałoŭnuju rolu vykanała Mery Elizabiet Uinsted («Hrajndchaŭs» (2007), «Zachaplalny čas» (2013)), rolu byłoha vajskoŭca i samaha zahadkavaha piersanaža — Džon Hudman, uładalnik «Załatoha hłobusa», najbolš viadomy pa filmu «Vialiki Leboŭski» (1998).
Film pakidaje nieadnaznačnaje ŭražańnie. Hladač atrymlivaje mała infarmacyi pra toje, chto takija hałoŭnyja hieroi i što naohuł adbyvajecca. Niama ni vyraznaha pačatku, ni kancoŭki, jakaja b usio rastłumačyła. Mahčyma, varta spadziavacca na praciah albo na film taho ž «suśvietu».
Adnak dziakujučy ŭnutranamu napružańniu siužeta film trymaje ŭvahu da kanca, choć raźviazka i rasčaroŭvaje.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary