Premjer-ministr Polščy Bieata Šydła zajaviła ŭ intervju 31 sakavika, što padtrymlivaje «poŭnuju achovu žyćcia nienarodžanych dziaciej».
Kiraŭnik polskaha ŭrada padkreśliła, što adkryta da hramadzianskaj inicyjatyvy poŭnaj zabarony pierapynieńnia ciažarnaści. Bieata Šydła adznačyła, što kožny kandydat pavinien hałasavać zhodna svajoj pazicyi, tamu ŭ kirujučaj partyi «Prava i Spraviadlivaść» nie budzie dyscyplinarnaha hałasavańnia pa hetym pytańni. «Naturalna, my pavinny pavažać jaho hramadskuju inicyjatyvu. Kali havorka idzie asabista pra mianie, to ja padtrymlivaju hetuju inicyjatyvu», - adznačyła premjer.
Na hety momant arhanizacyi pro-life čakajuć rašeńnia śpikiera Siejma z nahody hramadzianskaha prajekta «antyabortnaha zakona». Dva tydni tamu arhanizacyi pradstavili zakonaprajekt, pad jakim była sabrana tysiača podpisaŭ. Taksama ŭ Siejm pastupiła zajava ab stvareńni Kamiteta zakanadaŭčaj inicyjatyvy «Stop abortaŭ». Kali śpikier Siejma vykaža zhodu, kamitet pačnie źbirać podpisy pad zakonaprajektam poŭnaj zabarony pierapynieńnia ciažarnaści.
Zhodna z zakonam, pryniatym u 1993 hodzie, u Polščy zabaronienyja aborty za vyklučeńniem troch situacyj: pahrozy zdaroŭju maci, padazreńni ab uźniknieńni ciažarnaści ŭ vyniku zhvałtavańnia, a taksama ŭ vypadku ciažkich zachvorvańniaŭ płoda. Hramadzianskaja inicyjatyva poŭnaj zabarony pierapynieńnia ciažarnaści praduhledžvaje vyklučeńnie hetych vypadkaŭ.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary