«Pryjdzie čas, kali budziem sapraŭdy toj niezaležnaj, volnaj dziaržavaj, pra jakuju havaryli našyja Dziady», — staršynia Rady Biełaruskaj Narodnaj Respubliki Ivonka Surviła źviartajecca da ŭsich biełarusaŭ z nahody Dnia Voli».
Darahija surodzičy,
98 hadoŭ tamu — raničkaj 25 sakavika 1918-ha — na našaj ziamli adbyŭsia cud: paniavoleny, źniamožany vajnoj biełaruski narod zajaviŭ, što «ad hetaha času Biełaruskaja Narodnaja Respublika abviaščajecca niezaležnaj volnaj dziaržavaj».
Siońnia Biełaruś žyvie!
Žyvie, dziakujučy rašučaści našych prodkaŭ u 1918-m hodzie, ale taksama dziakujučy žyćciazdolnaści kožnaha z nas!
Dvaccataje stahodździe było adnym z najstrašniejšych u historyi čałaviectva, i asabliva mocna paciarpieŭ naš kraj. My vytrymali dźvie čužyja vajny, šmatlikija sproby hienacydu našaha narodu — vysyłki, rasstredy, dyktatury, vyhnańnie traciny našaha narodu ŭ zamiežža. Čužaki niščyli našuju pryhožuju movu, našuju šmatviakovuju kulturu, našuju vieru, našaje pačućcio hodnaści. Niahledziačy na ŭsio heta, my vyžyli. My žyviom, i žyvie Biełaruś!
Darahija surodzičy, prypaminaju ciažkija časy, kab vy nie źnieachvocilisia.
Kali my časam robimsia bolš aściarožnymi, ci pamiarkoŭnymi, heta tamu, što adčuvajem, što nadychodziać ciažkija časy, i nam treba ich pieražyć.
Siońnia, adnak, chaču jašče raz vykazać vam svaju vieru, što my dasiahniem taje lepšaj budučyni, pra jakuju my marym. Paćvierdžańnie našaj mocy bačym u zusim niadaŭniaj historyi — kali 25 žniŭnia 1991 hodu biełarusy zdoleli skarystać šaniec i adnavili Niezaležnaść, ździejśniŭšy maru pakaleńniaŭ. I voś užo čverć stahodździa naš kraj niezaležny — ale ŭsio jašče nie svabodny.
Pryjdzie čas, kali budziem sapraŭdy toj niezaležnaj, volnaj dziaržavaj, pra jakuju havaryli našyja Dziady, kali naš kaj dałučycca da siamji zamožnych i pavažanych eŭrapiejskich narodaŭ. My dakazali, što my vartyja hetaj pavahi.
Žadaju vam siońnia mužnaści i vytryvałaści. My jašče pabačymsia u volnaj Biełarusi. Mocna vieru ŭ heta, i chaču, kab kožny z vas u heta vieryŭ.
Žyvie Biełaruś!
Ivonka Surviłła, Staršynia Rady Biełaruskaj Narodnaj Respubliki
Sakavik 2016».
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava3
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3737
Kamientary