«Here's To You». Aleś Bialacki praśpiavaŭ u padtrymku pravoŭ čałavieka VIDEA
Amnesty International zaprasiła biełaruskaha pravaabaroncu da ŭdziełu ŭ śpieŭnaj kampanii, z dapamohaj jakoj raźličvaje pryciahnuć jak maha bolš ludziej da baraćby za pravy čałavieka.
«Here's To You» («Za vas!») – tak nazyvajecca kampanija, jakuju ŭ 2015 hodzie raspačaŭ aktyvist italjanskaha adździaleńnia mižnarodnaj arhanizacyi Rabierta Savijana, piśmieńnik i žurnalist, jaki vymušana žyvie ŭ ZŠA i znachodzicca pad pastajannaj achovaj palicyi, što stałasia vynikam jaho mužnaj pazicyi ŭ baraćbie ź niespraviadlivaściu i mafijaj na radzimie. Miesca jaho žycharstva nie razhałošvajecca, kab paźbiehnuć pomsty. Jak zaznačaje AI, Umbierta Eka ličyŭ jaho «nacyjanalnym hierojem».
U asnovu kampanii pakładziena bałada pad nazvaj «Here's To You», jakuju ŭ 1970 hodzie napisała amierykanskaja fołk-śpiavačka i aktyvistka Džoan Baez razam ź italjanskim kampazitaram Enia Marykone. Hetaja bałada stała vodhukam na znakavuju spravu Nikoła Saka i Bartałamiea Vanceci – italjanskich rabočych-anarchistaŭ, jakija amal 90 hadoŭ tamu, u 1927-m, u štacie Masačusets byli niespraviadliva asudžanyja da śmiarotnaha pakarańnia na elektryčnym kreśle. Tak pieśnia «Here's To You» stała simvałam baraćby za pravy čałavieka.
Aktyvisty Amnesty Italia zaklikajuć dałučacca da kampanii, praśpiavaŭšy prypieŭ pieśni «Here's To You» i zapisaŭšy jaho na videa.
«Dziakujučy vašamu ŭniosku, my zmožam zrabić i raspaŭsiudzić videa, kab dapamahčy nam u našaj baraćbie suprać niespraviadlivaści i pakazać usim Saka i Vanceci śvietu, što jany nie adnyja. My ličym, što sumiesnymi namahańniami my zmožam zrabić śviet lepšym, natchniajučy usich pryniać niespraviadlivaść jak asabisty vyklik», — havorycca ŭ pres-relizie kampanii.
Siarod ludziej, jakija ŭžo dałučylisia da zakliku Rabierta Savijana, jość tyja, chto sam paciarpieŭ ad parušeńniaŭ pravoŭ čałavieka. Siarod ich biełaruski pravaabaronca Aleś Bialacki – były palitviazień, a taksama jaho kalehi z Burkina-Faso, Mieksiki, Irana, Kitaja, Livii, Italii, Tajłanda i Uhandy.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary