Na zdymačnuju placoŭku aŭtarskaha prajekta stylista Julii Papovaj i fatohrafa Dźmitryja Maskvina «Znajomyja nieznajomki» pryma biełaruskaj mastackaj himnastyki Mielicina Staniuta spuściłasia ŭ litaralnym sensie z trapa samalota: usiaho za paru hadzin da hetaha jaje samalot prylacieŭ z Maskvy, dzie spartsmienka ŭdzielničała u spabornictvach.
«Ale treba addać naležnaje prafiesijanalizmu Mieliciny, ź jakim jana padyšła da pracesu, — raspaviadaje aŭtar prajekta. — Litaralna paru chvilin cišyni — i my ŭbačyli inšuju Mielicinu: jarkuju, enierhičnuju, pryjaznuju i hatovuju da novych ździajśnieńniaŭ i podźvihaŭ!»
Mielicina spyniła svoj vybar na šykoŭnaj doŭhaj sukiency koleru ivory z usiejanaj kamianiami i žemčuham asimietryčnym dekalte i hłybokim razrezam.
«Što tyčycca makijažu, to mianie siońnia ciahnie ŭ krajnaści, — skazała Mielicina. — Ci heta budzie piaščotny niudavy varyjant, ci ž jarki, zbolšaha ahresiŭny, ź vialikimi vačyma i čyrvonymi vusnami! Davaj spynimsia na druhim varyjancie — siońnia jon mnie bližejšy!»
Pryčosku my taksama padabrali, uličvajučy hust našaj hieraini. Nizki jeŭrapiejski pučok ź lohkim nalotam niadbajnaści, jaki abjadnaŭ usie kampanienty našaha vobrazu. Uličvajučy vielmi ščylny hrafik spartsmienki, pracavać daviałosia chutka, biez prava na pamyłku.
«Mielicina adpracavała, jak prafiesijnaja madel, a to i za lepš niekatorych madelaŭ. Nie dumajučy pra fota i pra tych, chto sabraŭsia vakoł jaje, Mielicina prosta hrała svaju rolu. Jana niby biehła pa letniaj travie, stupajučy miakka, hulliva i piaščotna. Fatohrafy navat nie zaŭsiody paśpiavali za joj!» — dzielicca svaimi ŭražańniami adzin z fatohrafaŭ Andrej Baryła.
«Kožnaja dziaŭčyna, navat samaja mocnaja, ciahavitaja, spartyŭnaja, choča być pryncesaj — pryznałasia paśla zdymak sama Mielicina. — Voś i mnie pašancavała z zaprašeńniem u taki prajekt. Skažu adrazu — u mianie było času mienš za Papiałušku, bo u toj dzień ja akurat prylacieła z Maskvy, a praź dzień znoŭ lacieła na spabornictvy. Ale ŭ rukach dobraj fiei Julii ja chutka zabyłasia, što jašče ranicaj pračnułasia ŭ Maskvie. Uvohule, ja na paru hadzin trapiła ŭ śviet cudoŭnaj kazki, praŭda, na ščaście, abyjšłosia biez harbuza!»
-
Ciapier viadoŭcam treveł-šou «Aroł i reška» možna stać za hrošy. Kolki treba zapłacić?
-
Padletki stajać u čarzie, kab zrabić fota la padjezda na Niamizie — što tam adbyłosia?
-
«Ni razu nie zdoleła vymavić «Płošča Franciška Bahuševiča». Rasijanka pierajechała ŭ Biełaruś — i zachapiłasia biełaruskaj movaj
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki10
Kamientary