U Biełarusi na 1000 mužčyn prypadaje 1149 žančyn, u haradach — 1167, u vioscy — 1086. Takija dadzienyja ahučyła na pres-kanfierencyi sustaršynia HA «Biełaruski sajuz žančyn» Antanina Morava.
Antanina Morava apisała siaredniestatystyčny partret biełaruskaj žančyny. Na pačatak biahučaha hoda ŭ krainie naličvałasia 5,1 młn žančyn — 53,5% ahulnaj kolkaści nasielnictva. U haradach i pasiołkach haradskoha typu pražyvajuć bolšaść žančyn (78,2%), u sielskich nasielenych punktach — kožnaja piataja žycharka respubliki (21,8%). U apošnija hady nazirajecca pavieličeńnie ŭdzielnaj vahi žančyn u haradskich pasieliščach.
Siaredni ŭzrost žančyn u Biełarusi — 42,4 hoda (piać hadoŭ tamu było 41,7 hoda). Pryčym siaredniestatystyčnaja žančyna na 5,2 hoda starejšaja za mužčynu. Siaredni ŭzrost žycharak haradoŭ składaje 40,9 hoda, sialčanak — 47,7 hoda.
Kožnaja druhaja žančyna (52%) znachodzicca ŭ šlubie, 18% — udovy, 10% — raźviedzienyja.
U Biełarusi pavialičvajecca siaredni ŭzrost žančyny pry ŭstupleńni ŭ pieršy šlub i naradžeńni pieršynca. U 2015 hodzie siaredni ŭzrost niaviesty skłaŭ 25,5 hoda (u 2010-m — 24,4 hoda). Da 26 hadoŭ pavialičyŭsia ŭzrost maci pry naradžeńni pieršaha dziciaci.
«U apošnija hady namieciŭsia šerah stanoŭčych tendencyj u siamiejnych adnosinach, — adznačyła Antanina Morava. - Bolš jak pałavina novanarodžanych u minułym hodzie naradzilisia druhimi i trecimi ŭ svaich siemjach (u 2010-m — 44,7%). Adna haradskaja i adna sielskaja žančyna, u siarednim naradzili pa dvoje dziaciej (raniej na haradžanak prypadała adno dzicia). Udzielnaja vaha dziaciej, narodžanych u žančyn, jakija nie znachodziacca ŭ zarehistravanym šlubie, źniziłasia z 19,6% u 2010 hodzie da 13,8% u 2015-m».
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie34
Kamientary