Zorka Kupałaŭskaha Śviatłana Anikiej stanie hłamurnaj viadźmarkaj
U vieraśni minułaha hoda ŭ afišy staličnaha lalečnaha teatra źjaviŭsia skandalny śpiektakl «Intervju ź viadźmarkami». U jakaści režysiora-pastanoŭščyka zaprasili Jaŭhiena Karniaha, stvaralnika ŭłasnaha «KorniagTHEATRE». U asnovu pastanoŭki jon pakłaŭ kazki bratoŭ Hrym (u aryhinalnym varyjancie, nie adaptavanym dla školnikaŭ).
Jaŭhien Karniah pradstaviŭ hledačam «čornuju kamiedyju». Na scenie try aktrysy-viadźmarki siadajuć na stojki mikrafonaŭ, jak na miotły, źbirajučysia «ŭźlacieć», a adna z hieraiń źbiraje ŭ padoł čerapy, nibyta jabłyki.
Roli viadźmarak vykonvali aktrysy teatra Natalla Kot-Kuźma i Śviatłana Cimochina, a taksama zaprošanaja aktrysa Hanna Haspadaryk. Apošniaja nieŭzabavie źbirajecca naradzić. Tamu rolu hłamurnaj, ale nie mienš strašnaj viadźmarki ŭvasobić zorka Kupałaŭskaha teatra Śviatłana Anikiej. Jaje «zornaj hadzinaj» staŭ śpiektakl «Nie moj», pastaŭleny pavodle apovieści Alesia Adamoviča. Na pieršaj Nacyjanalnaj teatralnaj premii jon pieramoh u piaci naminacyjach. Anikiej, jakaja ŭvasobiła vobraz Paliny, była ŭhanaravana za lepšuju žanočuju rolu.
Jak raskazała «Narodnaj Voli» Śviatłana, jaje ŭvod u śpiektakl «Intervju ź viadźmarkami» – ideja Karniaha i Maryny Dašuk, dyrektara «KorniagTHEATRE».
«Maryna – maja dobraja siabroŭka, – śmiajecca Śviatłana Anikiej. – Tamu ŭ pastanoŭku ja trapiła pa błacie». Pavodle jaje słoŭ, u Kupałaŭskim teatry nichto nie suprać: tam tolki vitajuć zapatrabavanaść akcioraŭ. Jak pryznałasia Anikiej, jana ŭsio ž taki baicca niačystaj siły, jakuju daviadziecca ihrać. Ale na pytańnie, što źbirajecca rabić sa svaim stracham, adkazała z humaram: «A ja niebu padmirhnu. I pasprabuju damovicca, što heta žart».
Darečy, Śviatłana vyjdzie na scenu na vysačeznych abcasach i ŭ šykoŭnaj sukiency z aholenaj śpinaj.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary