Saviet Respubliki ŭchvaliŭ ratyfikacyju biełaruska‑vieniesuelskich pahadnieńniaŭ ab admienie viz.
Pahadnieńni byli padpisany ŭ vieniesuelskim štacie Ansaatehi 8 śniežnia 2007 hoda padčas vizitu ŭ hetuju krainu aficyjnaj biełaruskaj delehacyi na čale z Alaksandram Łukašenkam. Ich meta — stvareńnie narmatyŭna‑pravavoj bazy, što rehuluje pytańni ŭzajemnych pajezdak hramadzian dźviuch krain.
Zakonaprajekty ab ratyfikacyi pahadnieńniaŭ byli pryniaty Pałataj pradstaŭnikoŭ 2 krasavika. Na plenarnym pasiadžeńni siesii Savieta Respubliki 16 krasavika ich pradstaŭlaŭ namieśnik staršyni pastajannaj kamisii vierchniaj pałaty pa mižnarodnych spravach i nacyjanalnaj biaśpiecy Vitold Pieścis.
U adpaviednaści z pahadnieńniem ab admienie viz u nacyjanalnych pašpartach hramadzianie Biełarusi i Vieniesueły mohuć ujazdžać i vyjazdžać na terytoryju inšaj krainy bieź vizy i znachodzicca tam da 90 dzion. Pry hetym hramadzianie adnoj krainy, jakija pryjazdžajuć u inšuju dziaržavu, buduć traplać pad dziejańnie zakanadaŭstva krainy znachodžańnia.
Jany nie majuć prava zajmacca kamiercyjnaj abo inšaj dziejnaściu za płatu padčas znachodžańnia na terytoryi inšaj krainy. U vypadku kali hramadzianie majuć namier znachodzicca na terytoryi inšaj dziaržavy bolš za 90 dzion abo płanujuć zajmacca tam kamiercyjnaj ci inšaj dziejnaściu za płatu, jany pavinny atrymać adpaviednuju vizu.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony3
Kamientary