Aktyvist Jeŭramajdanu Ivan Bubienčyk zajaviŭ, što 20 lutaha 2014 hoda jon pieršym pačaŭ stralać u bajcoŭ «Bierkuta».
Jahonyja słovy hučać u filmie «Branci» («Pałonnyja»).
Bubienčyk kaža, što zabiŭ dvuch kamandziraŭ siłavikoŭ. «Kažuć, što ja zabiŭ ich u patylicu, i heta praŭda. Jany stajali da mianie śpinaj. U mianie nie było mahčymaści čakać, pakul jany raźviernucca. Stralaŭ z samaha dalokaha ad Majdana akna za kałonami, na trecim paviersie», — uzhadvaje Bubienčyk.
Pa stanie na ranicu 20 lutaha ŭžo byli zabityja bolš za 40 demanstrantaŭ. Majdan moh być kančatkova razahnany. Bubienčyk kaža, što jon vyrašyŭ dziejničać rašuča.
«U toj čas ja maliŭsia, kab na Majdanie źjavilisia sorak aŭtamataŭ. Prajšło niašmat času, i ja zrazumieŭ, što zanadta šmat prašu. I ŭžo pad ranicu 20 lutaha pryjšoŭ chłopiec, prynios aŭtamat Kałašnikava ŭ sumcy z-pad tenisnaj rakietki i 75 patronaŭ», — uzhadvaje aktyvist.
Bubienčyk kaža, što nie chacieŭ zabivać inšych «bierkutaŭcaŭ», tamu stralaŭ im pa nahach. Jon ruchaŭsia ŭzdoŭž barykad, stvarajučy iluziju, što pracuje niekalki dziasiatkaŭ aŭtamataŭ.
Kali milicyjanty kinulisia naŭcioki, mnohija ŭdzielniki Majdanu pabiehli za imi. Tady, pa słovach Bubienčyka, siłavikami byŭ addadzieny zahad na rasstreł mitynhoŭcaŭ.
U jaho samoha na toj momant skončylisia patrony. Bubienčyk śćviardžaje, što šmat zbroi na Majdanie nie było.
Paśla pačatku vajennych dziejańniaŭ na ŭschodzie Ukrainy aktyvist ustupiŭ u jakaści dobraachvotnika ŭ bataljon «Dniapro-1». U listapadzie 2015 hoda Ivan Bubienčyk staŭ kamandziram bataljonu «Zachad-2».
Hienprakuratura Ukrainy zajaviła, što vyklikała Bubienčyka na dopyt, adnak toj nie pryjšoŭ.
Kali zajavy Bubienčyka akažucca praŭdzivymi, jany dapamohuć adnavić łancuh padziej ukrainskaj revalucyi 2014-ha.
Paźniej źjaviłasia abviaržeńnie: Aktyvist Majdanu abvierh «pryznańnie ŭ zabojstvie siłavikoŭ»
Kamientary